سەیێن بەردای ل كۆمەلگەها چڕەی بووینە مەترسی ل سەر ژیانا قوتابیان
رەمەزان زەكەریا:
ل كۆمەلگەیا چڕەی ژ ئەگەرێ زێدەبوونا سەیێن بەردای ل كۆلانان، بووینە مەترسی ل سەر ژیانا قوتابیان و وەلاتی داخوازا چارەسەریەكێ دكەن.
خدر عەبدولڕەحمان، جۆتیارەكێ دەڤەرێ یە بۆ ئەڤرۆ گۆت: «زۆربوونا سەیان مەترسییەكا مەزنە ل سەر ژیانا خەلكی، ب تایبەت زارۆكان، دەمێ ژ مال دەردكەڤن هەست ب ترسێ دكەن».
میكائیل عەبدوللا، مامۆستا ل كۆمەلگەها چڕەی بۆ ئەڤرۆ گۆت: «قوتابی دەمێ سپێدەهیان زوو دچنە قوتابخانەیان رووبڕوویێ مەترسیا سەیێن بەردای دبن، ئەڤ چەندە ژی بوویە ئەگەر، ترسەكا مەزن د ناڤ قوتابیان و دایك و بابێن وان دا پەیدا ببیت و كاریگەرییەكا نەڕێنی ل سەر دەوام و خواندنا وان هەبیت».
ئیدریس تەییب، سەرۆكێ باژێرڤانیا كۆمەلگەیا چڕەی بۆ ئەڤرۆ گۆت: «ئەم ئاگەهداری ڤێ ئاڕێشەیێ نە و مەترسیێن زۆربوونا سەیێن بەردای ل سەر ژیانا وەلاتیان، ئەم ب هەماهەنگی ل گەل لایەنێن پەیوەندیدار دێ چارەسەریەكا گونجای بۆ ڤێ ئاڕێشەیێ بینین».
