ژینگه‌هپارێزی د ناڤ پۆلێن قوتابخانه‌یان دا ده‌ست پێ دكه‌ت
شرین محمه‌د ئه‌مین سالح
ژینگەهـ ئەو جهە نینە كو ئەم تێدا دژین ژبه‌ركو مە پتریا جاران وەکی بابەتەكێ دوور یان بتنێ دناڤ پەرتووكان دا دیتیه. بەلێ یا ڕاست ئەوە كو ژینگەهـ نه دارەكا دوورە ل ناڤ دارستانەكێ نە رووبارەكێ دوورە ل وه‌لاته‌كێ دی، ژینگەهـ حەوشا قوتابخانامەیە ئوكسجین و ژێده‌رێ سه‌ره‌كیێ ژیانانا هه‌موو مرۆڤایه‌تیێ یه.
پەیوەندییا مرۆڤ و ژینگەهێ ب راده‌یه‌كێ یا ب هێزە هەر گۆهرینه‌ك ل ئێك ژ وان رووبدەت ب روونی رەنگ ڤەدان دێ ل سەر یا دی هەبیت، ئەگەر ئەم سەرەدەریەكا دروست دگەل ژینگەهێ نەكەین ئەم ب خۆ ژیانا خۆ ئالۆز دكەین و به‌ره‌ڤ ژناڤچوونێ دبه‌ین.
پەروەردە یا ڕاست و دروست بتنێ د گەهاندنا پێزانێن ناڤ پەرتووكان دا نینە گوهۆرین و هزركرن و گەشە پێدانا رەفتارانە دەست پێكرن و گۆهرینا هشیاریێ ل دەف تاكی ل قۆناغێن دەست پێكێ ژیێ خۆ ژ خێزانێ و قوتابخانێ رامانا وێ ئەوە كو نفشێن پاشه رۆژێ ب ره‌نگه‌كێ بەردەوام دێ رەفتارێ دگەل هەموو ژێدەرێن سروشتی كەت.
راستیە كو هەموو دەمان زارۆك بەرێ خۆ ددەنە كریارێن مە نەک ئاخفتنان، دەمێ زارۆك دبینیت دایك و باب ئاڤێ ب هەدەر نادەن گلوپێن زێدە ڤە دمرینن بەرمایكان ناهاڤێژنە سەرجادەیان ئەڤ چەندە دێ بیتە پەروەردەكا سروشتی و ساخله‌م ل دەف زارۆكان.
ل ناڤەندێن خواندنێ ژی ب هه‌مان یاسا ب كریار و ب رێكا چالاكیێن پراکتیكی ئەم نفشێ پاشه رۆژێ بكەینە دۆستێن ژینگەهێ وەك چاندنا داران ب كۆم، دیاركرنا بالوێزێ ژینگەهێ و ئەرکێن وی وه‌ك وێنەكێشان و ڤەكرنا پێشانگەهان ل سەر بابەتێ ژینگەهێ به‌لاڤكرنا پۆستەران.
دڤێت ئەڤ پرۆسە یە یا بەردەوام بیت، ژبه‌ركو جیهانەكا كەسك و ئارام دیاریا مە نینە بۆ نفشێ پاشەرۆژی، ئەمانەتەكێ وانە ل دەف مە ب باوه‌رم كو پاشە رۆژا پاراستنا ژێدەرێن سروشتی ل ناڤ دەست و هزرێن وان زارۆیان دایە كو نوكە د ناڤ پۆلێن مە دا روونشتینە، دەمێ زارۆ دبینیت جڤاك رێزێ ل ژینگەهێ دگریت ئەو ژی دێ بیتە دۆستێ ژینگەهێ د رەفتار و كریارێن وی دا؛ دێ رەنگ ڤەدان دیاردبن، پێدڤییه هشیاریێ بکەینە هێزا خۆ، داکو نفشێ داهاتی شانازیێ ب بڕیار و کریارێن مە یێن ئەڤرۆ ببەت.