ریال مەدرید، مان ستی، لیڤەرپۆل و ئارسنال بەرانبەر دەلیڤەیێن سەركەفتنێ نە
ڕچاڤەڕێ دهێتە كرن ئەڤرۆ نەهـ یاریێن مایی ژ هەڤڕكیێن گەڕا چارێ ژ خولا قارەمانییا یانەیێن ئۆرۆپا قارەمانێن خولا چامپیۆنز لیگ ب ئەنجامدانا چەند یاریێن ئاگرین بهێنە كرن.
ئەیاك ئەسینا- ڕیال مەدرید
یانەیا ڕیال مەدرید یا ئسپانی هەلگرا 15 ناسناڤان دێ هەڤڕكیێن یاریێن ئەڤرۆ ژ چامپیۆنزێ ڤەكەت ب دیدارەكا نە یا هەڤسەنگی دا بیتە مێڤانا یانەیا ئەیاك ئەسینا یا یۆنانستانی، یانەیا ئسپانی ب هیڤیێن مەزن و بو سێ خالان هێتە دناڤ یاریگەهێ دا ئەوا نەهـ خال هەین ل ڕێزا چارێ دهێت، ژلایێ خوەڤە یانەیا یونانستانی سێ خال كۆمكرینە ل ڕێزا 29ێ دهێت و دووماهی دەلیڤەیا وێ یە بۆ باشكرنا هەلوەستێ خوە، دیدارێن پێشتر جار جاران بوویە، دو وكهەڤی، هەر یانەیەك سەركەفتنەك ئینایە، ئەڤ یارییە ل دەمژمێر 8:45 شەڤ هێتە كرن.
فەنەربەخشە- لیڤەرپۆل
یارییا دویێ یا دەمژمێر 8:45 شەڤ یانەیا فەنەربەخشە یا توركی ل یاریگەها خوە دێ مێڤاندارییا یانەیا لیڤەرپۆل یا ئنگلتەرایی كەت هەلكرا شەش ناسناڤان، خودانێن ئەردی د ڕەوشەكا باش دا نینن ئەوێن دو خال هەین ل ڕێزا 31ێ دهێن، ژلایێ خوەڤە لیڤەرپۆل باشترین دەم دەرباز دكەت ئەوا د هەرسێ یاریێن بۆری سەركەفتن ئینایی ل ڕێزا سێیێ دهێت، بۆ زانین ئەڤ دیدارە یا ئێكێ یا فەرمییە دناڤبەرا هەردو یانەیان دا.
بۆرۆسیا دۆرتمۆند- ڕیال پیتس
دیدارەكا دی یا نوو و ئێكێ یا دیرۆكی دناڤبەرا خودانێن ئەردی یانەیا بۆرۆسیا دۆرتمۆند یا ئەلمانی و مێڤانا وێ ڕیال پیتس یا ئسپانی ئەوا دێ ل دەمژمێر 11ێ شەڤێ هێتە كرن، مێڤانێن یانەیا ئەلمانی ل ڕێزا پێنجێ دهێت ب كۆمكرنا نەهـ خالان ب مۆرالەكا بلند دێ هێنە دناڤ یاریگەها بۆرۆسیا دۆرتمۆندێ ئەوا شەش خال هەین ل ڕێزا 13ێ دهێت، برۆسیا دۆرتموندێ ئێك جار ناسناڤ دەستڤە ئینایە ل سالا 1997ێ بوو.
لایبزیك- مان ستی
دیدارەكا دی یا ئەڤ شەڤە ل هەمان دەم دا ئاگرین خودانێن ئەردی یانەیا لایبزك یا ئەلمانی دێ ل یاریگەها خوە مانچستەر ستی یا ئنگلتەرایێ مێڤان كەت و ترسا ژ دەستدانا خالان هەیە، یانەیا ئنگلتەرایی خودانا ئێك ناسناڤە ل 2023ێ هیڤی هەیە دوبارەبكەتەڤە لێ د نوكە ڕێزا 10ێ دهێت ب كۆمكرنا شەش خالان و كاروان درێژە، ژلایێ خوەڤە لایبزیك بتنێ سێ خال هەنە ل ڕێزا 29ێ دهێت، د شەش یاریێن پێشتر دا چار سەركەفتن یێن مان ستی و ئێك یا لایبزیك و وەكهەڤییەك هاتیە.
سلاڤیا- ئارسنال
دیدارا پێنجێ یا ئەڤ شەڤە دناڤبەرا یانەیا سلاڤیا براغا یا چیكی و یانەیا ئارسنال یا ئنگلتەرایێ ئەوا دێ ل چیكێ هێتە كرن، ئارسنال خودانا خوە حەفت خالانە ل ڕێزا حەفتێ دهێت، دبەرانبەرا دا یانەیا چیكی ئێك خال هەیە ل ڕێزا 32ێ دهێت، ئەڤ دیدارە دبیتە یا شەشێ دناڤبەرا واندا، سێ یاری ب سەركەفتنا ئارسنالێ بوویە و دو یاری وەكهەڤی بدووماهی هاتینە.
پۆرتۆ- ناپۆلی
ئێك ژ یاریێن دی یێن چاڤەڕێ كری یانەیا پۆرتۆ یا پۆرتۆگالی ل یاریگەها خوە دێ مێڤاندارییا یانەیا ناپۆلی یا ئیتالی كەت، خودانێن ئەردی دنەخۆشترین دەمێ خوەدایە د هەرسێ یاریێن بۆری یێن چامپیۆنزێ هیچ سەركەفتنە نەئینایە بێ خال ل ڕێزا 34ێ دهێت، ژلایێ خوە ناپۆلی سێ خال هەنە ل ڕێزا 22ێ دهێت، دیدارێن پێشتر دبەرژەوەندیا پۆرتۆ دابوویە ژ چار یاریان دو سەركەفتنێن پۆرتۆ و دو وەكهەڤی.
فایكینگ- سەباح
دیدارەكا مێڤانێن نوو یێن چامپیۆنزێ د وەرزی ئەڤسالە دا یانەیا فایكینگ یا نەرۆیجی ل یاریگەها خوە دێ مێڤاندارییا یانەیاسەباح یا ئۆزپاكستانی كەت، یانەیا نەرۆیجی خودانا ئێك خالە ل ڕێزا 33ێ دهێت، ژلایێ خوەڤە سەباح ب ئێك سەركەفتن سێ خال كۆمكرینە ل ڕێزا 25ێ دهێت، ئێكەم دیدارا چامپیۆنزێ یە و دەلیڤەیا سەركەفتنێ بۆهەردو یانەیان بەردەستە.
لانس- كۆمۆ
ئێك ژ دیدارێن دی یێن چاڤەڕێ كری یانەیا لانس یا فرەنسی دێ ل یاریگەها خوە یانەیا كۆمۆ یا ئیتالی مێڤان كەت د ئاستەنگەكا دی دا بۆ خودانێن ئەردی، كۆمۆ شەش خال هەنە ل ڕێزا نەهێ دهێت و چاڤ ل ڕێزبەندییا باشترە، یانەیا فرەنسی سێ خال هەنە ل ڕێزا 27ێ دهێت، ئەڤ دیدارە دبیتە یا ئێكێ یا دیرۆكی دناڤبەرا واندا.
ئایندهۆڤن- كلۆب برۆچدیدارا نەهێ و دووماهیێ ژ گەڕا نەهێ یا قارەمانییێ یانەیا كلۆب برۆچ یا بەلجیكی دێ بیتە مێڤانا یانەیا ئاندهۆڤن یا هۆلەندی ئەوێن چار خال كۆمكرین ڕێزا 18ێ دهێن، ژلایێ خوەڤە شەش خال كۆمكرینە ل ڕێزا 11ێ دهێت، ئارمانجێن هەردو تیمان سەركەفتنە و دەلیڤەیەكا باش بۆ هەردوكا بەردەستە، دیدارێن پێشتر یێن فەرمی نەبووینە لێ دیدارێن هەڤالینی هەبووینە كو دگەهنە چار یارییان دو سەركەڤتنێن یانەیا هۆلەندی، سەركەفتنەكا یانەیا بەلجیكی و یارییەك وەكهەڤی ب دووماهی هاتبوو.
دەربازبوون بۆ قووناغا 16ێ
بۆ زانین 36 یانە پشكدارن د چامپیۆنزا ئەڤ سالە دا، یاریێن وان ب شێوەیێ خول ئێك قووناغ دهێنە كرن، ل دووڤ ئاست و پلەبەندی یاریێن وان هاتینە دانان، هەر یانەیەك دێ هەشت یارییان كەت، چار یاری دناڤ ئەردێ خوە دا و چار ژ دەرڤەیی یاریگەها خوە ل گەل یانەیێن جودا، ئەو تیمێن ل ڕێزێن ئێكێ هەتا هەشتێ دهێن ئێكسەر دێ دەربازبنە قووناغا 16ێ، ئەو تیمێن ل ڕێزێن نەهێ هەتا 24 دهێن دێ دەربازبنە قووناغا دویێ و پاشكۆ ژبۆ ئەنجامدانا یاریێن هاتنوچوون كو هەشت ژ وان تیما ندێ دەربازبنە قووناغا 16ێ، ئەو تیمێن د ڕێزا 25 هەتا 36ێ دێ ژ قارەمانیێ هێنە دوورئێخستن.