د کاسا یانەیێن کەنداڤی دا هەولێر دێ کازمییە یا کوێتی مێڤانکەت
چاڤەڕێ دهێتە كرن ئەڤرۆ ل دەمژمێر هەشتی شەڤ تیما یانەیا هەولێرێ ل یاریگەها خوە شەهید فرانسۆ حەریری مێڤاندارییا یانەیا كازمە یا كوێتی بكەت، ژ چارچووڤەیێ هەڤڕكیێن گەڕا سێیێ ژ كۆما سێیێ ژ قارەمانییا یانەیێن كەنداڤی قارەمانێن خولا هێتە كرن، ژلایێ خوەڤە ئیتفاق یا سعۆدیێ دێ ل یاریگەها خوە یانەیا عەجمان یا ئیماراتی مێڤان كەت.
هەولێر ب چەكێ جەماوەری و گەشكرنا هیڤییان
تیما یانەیا هەولێر ئەوا د دو یاریێن بۆری دا تووشی خوسارەتیێ بوو بەرانبەر عەجمان ب5-4 گۆلان و یارییا دویێ بەرانبەر ئیتفاق یا سعۆدیێ ب3-چنە هاتیە هژمارتن ژبەر نە ئامادەبوون ئیتفاق، دێ هەموو بزاڤان كەت ب پشەستن ل سەر مۆرالا پشتەڤانێن خوە و مفا وەرگرتن ژ ئەردێ خوە بۆ بدەستڤە ئینانا سێ خالێن یاریێ پێخەمەت گەشكرنا هیڤیێن دەربازبوونێ بۆ قووناغا دویێ ژ خولێ، تیما عجما سەرێ لیستێ دهێت ب شەش خالان، هەولێر سێ خال هەنە، ئیتفاق سێ خال و كازمە بێ خالە ل ڕێزا چارێ.
ڕاهێنەر گەشبینە
د پرێسكونفرانسێ رۆژنامەڤانی دا لوەئەی سەلاح ڕاهێنەرێ تیما یانەیا هەولێر گۆت: یارییا ئەڤرۆ ب سانەهی نابیت بەرانبەر تیمەكێ هەموو هیڤیێن وێ ل سەر ڤێ یاریێ ماینە بۆ بزاڤێن وەرگرتنا پلێتەكا دەربازبوونێ، لێ هیڤیێن مە مەزنترن و ئەم ڕژدترین بۆ دەستڤە سێ خالان، بۆ ڤێ یاریێ ئەم پێدڤی ب سەركەفتنێ هەنە، لێ دڤێت ب كریار یاریزانێن مە ل دووڤ پلانێن مە بچن هەتا بگەهینە سێ خالان، هەروەسان مە پشتەڤانێن دلسۆز هەنە گەشبینن دێ دلێ وان ژی خۆ كەین، یارییا ئەڤرۆ دێ هەلوەستێ مە پتر دیاركەت بۆ پلێتا دەربازبوونێ، هیڤییا مە ئەوە ب سەركەڤین.