حەجی ڕێکانی: شانازییە ب ئالایێ کوردستانێ ڤە دەستکەڤتەکێ جیهانی ب دەستڤە بینم
د دیدارەکا تایبەت دا حەجی رێکانی قارەمانێ نیشاندانێن لەشجوانیێ و کوڕێ باژێرێ دهۆکێ کەیفخوەشیا خوە دیارکر ب دەستڤەئینا دەستکەڤتەکێ جیهانی ل ژێر ئالایێ کوردستانێ و گۆتنا سترانێن نەتەوەیی.
زێدەتر ناڤهاتی گۆت : بۆ من شانازیەکا مەزنە ئێکەم کەس لسەر ئاستێ کوردستانێ و ئیراقێ هەڤڕکییا ستێرین جیهانی ل سەر ئاستێ ماستەر ئۆلمپی ل ستێجەکێ مەزن و هێز بوو شیام پێشبکەڤم بەرانبەر ستێرین جیهانی و سەرکەفتنێ بینم ئەوا ل وەلاتێ ئسپانیا هاتیە کرن، ئەڤ دەستکەفتە پشتی چەندیین سالێن کارکرنێ و زەحمەتێ بدەستڤە هات، ڕێزبەندیا چارێ و مەدالیا بڕۆنزی ئێک ژ خەونێن من بۆ بگەهمە و سوباس بۆ خودێ گەهشتمێ.
حەجی ڕێکانی ئەوچەندە ژی گۆت: یا هێژ جهێ شانازیێ بەرامبەر سەدەهان بینەر و پشتەڤانان لسەر ستێجی بهێمە پێش و سترانا نەتەوەیی کوردم خەلکێ کوردستانێ زمانێ من کوردیە، وەکۆ ناساندانا مللەتێ خۆ دناڤا جیهانێ دا و هەلگرتنا ئالایێ کوردستانێ، هەرچەندە پشکداریا من دڤێ قارەمانییێ دا ژ مەزاختییێ من یێ تایبەت بوو بێ پپشتەڤانییا دارایی لمن بهێتەکرن و تاکە کەس لسەر ئاستێ هەرێما کوردستانێ و ئیراقێ پشکداریێ بکەم.
لدووماهیێ ستێرێ کوردستانێ گۆت: ڤێ دەستکەڤتی بۆ تاکە کەسی ناهژمیرم بەلکۆ بۆ ناڤێ کوردستانێ و ئالایێ پیرۆز و وەرزشێ ب گشتی بوویە، سوپاسی بۆ پاریزگارێ دهۆکێ د. عەلی تەتەر هاریکاربوو ژبۆ پەیداکرنا ڤیزێ، سوپاس بۆ رۆژنامەیا ئەڤرۆ ژی هەردەم پشتەڤانیا من دکەن جهێ شانازییێ یە کوردەك کورێ باژێری دهوکێ بگەهیتە ئەڤی ئاستی و ناسناڤا دەستڤەبینیت.