دو پڕۆژەیێن ئاڤێ ل دهۆكێ هاتنە بجهئینان
دهۆك، دلۆڤان ئاكرەیی:
ئەندازیار بشار حجی زەینەل، رێڤەبەرێ ئاڤا دهۆكێ بۆ رۆژنامەیا ئەڤرۆ دیار كر، ل سەر پێشینەیا تایبەت یا ڕێڤەبەریا ئاڤا دهۆكێ، ب مەرەما باشتركرنا خزمەتگوزارییان و دابینكرنا ئاڤا ڤەخوارنێ بۆ وەلاتیان، رێڤەبەریا وان رابوویە ب چێكرنا دو پڕۆژەیان.
ناڤهاتی گۆت: «پڕۆژە پێك دهێن ژ ل ڕاكێشانا هێلەكا ئاڤێ ب درێژاهییا 275 مەتران، ل نێزیك قوتابخانەیا ئەمریكی ل تاخێ نزاركێ یێ سەنتەرێ دهۆكێ، دیسا ڕاكێشانا هێلەكا ئاڤێ ل تاخێ مالتا كادران، بەرانبەر پاركا دلشاد محەمەد سەعید».
گۆت ژی: «ڕێڤەبەرییا ئاڤا دهۆكێ بەردەوام د كاری دایە، داكو ئاڤا ڤەخوارنێ بۆ هەمی تاخ و گەڕەكێن باژێڕی دابین بكەت و ئارێشەیێن تۆڕێن ئاڤێ چارەسەر بكەت».
