پرتووكا ل وەلاتێ هزاران كانیكان، گەشتا ژنەكێ ل ناڤا وان شۆڕەشێن مللەت و جیهان چێكرین هاتە بەلاڤكرن
ب ئامادەبوونا د. ڤیان سلێمان، هاریكارا بەرپرسێ مەكتەبا ڕێكخستنا پارتی دیموكراتی كوردستان ل پارێزگەها دهۆكێ و ماجد سەید سالح، جێگرێ پارێزگارێ دهۆكێ و د. داود سلێمان، سەرۆكێ زانكۆیا دهۆك و هژمارەكا ڕێڤەبەرێن دام و دەزگەهێن حزبی و حكومی و ڕەوشەنبیر و نڤیسەر و خواندەڤانێن پرتووكان، دوهی 3/11/2026 ڕێوڕەسمێن دانەنییاسین و ئیمزاكرنا پرتووكا د. نەسرین بەرواری یا بناڤێ «ل وەلاتێ هزاران كانیكان، گەشتا ژنەكێ ل ناڤا وان شۆڕەشێن مللەت و جیهان چێكرین» ل هۆلا كۆنفراسان ل زانكۆیا دهۆك هاتنە گێڕان.
د ڕێوڕەسمان دا د. ڤیان سلێمان جێگرا بەرپرسێ رێکخستنا پارتی ل دەڤەرا بەهدینان پەیڤەک ل سەر زیرەکی و وێرەکییا د. نەسرین بەرواری پیشکێشکر. پاشی د. نەسرین بەرواری بەحسێ ژیان و ناڤەرۆکا پرتووکا خۆ کر، ل دووماهیێ ژی د. فاضل عمر سمینارەک ل سەر پرتووکێ پێشکێشکر. مەرەم ژ پرتووكێ خواندنەكا جڤاكی و مێژوویی یە بۆ سازكرنا دیالۆكێ ژ پێخەمەت هشیارییا تاكێن جڤاكی و پاشەڕۆژەكا گەش و دادپەروەرانە.
