شانده‌كێ هه‌رێمێ پشكدارى د پێشانگه‌ها دوبه‌ی دا كر
ئه‌ڤرۆ نیۆز، قائید میرۆ
ب مه‌ره‌ما گه‌شه‌كرنا كه‌رتێ گه‌شتیاری هه‌رێما كوردستانێ پشكداری د پیشه‌نگه‌ها گه‌شتیاریا دوبه‌ی دا كر، ده‌سته‌یا گه‌شت و گوزارێژی دبێژیت: ب ئالایێ كوردستانێ و خوارنێن كوردی مه پشكداری كریه.
نادر رۆستی، په‌یڤدارێ ده‌سته‌یا گه‌شت و گوزارا هه‌رێما كوردستانێ ب ئه‌ڤرۆ نیۆز راگه‌هاند” بۆ پتر ناساندنا گه‌شت و گوزارا هه‌رێما كوردستانێ شانده‌كێ هه‌رێمێ بۆ سالا دویێ مه پشكداری د پیشه‌نگه‌ها دوبه‌ی داكر، شاندێ هه‌رێمێ ب نمایشكرنا چه‌ندین جۆرێن خوارنێ و رێبه‌ر و نه‌خشه‌یێن گه‌شتیاری و جلكێن كوردی پشكداربوو.
رۆستی گۆتژی” د پیشه‌نگه‌ها ئه‌ڤساله‌دا، 2700 كۆمپانیا و 86 ولاتێن جیهانی پشكداری كر و مه‌ره‌م ژ پشكداریا هه‌رێمێ بۆ پتر گه‌شه‌كرنا كه‌رتێ گه‌شتیاری و ئینانا گه‌شتیارێن بیانیه بۆ هه‌رێما كوردستانێ، ئه‌ڤه سه‌ره‌رای گرێدانا په‌یوه‌ندیان.
