هیلاكا داعش رابوو
ئه‌ڤرۆ نیۆز، قائید میرۆ
ئه‌ڤرۆ هژماره‌كا زۆرا ته‌رمێن چه‌كدارێن گروپا تیرۆرستیا داعش ل قه‌زا بێجی گه‌هشتنه‌ڤه باژێڕێ مووسل و به‌رپرسه‌كێ كوردژی دبێژیت، پێنجی پیكابێن داعش ئه‌ڤ ته‌رم ڤه‌گوهاستینه.
غه‌یاس سورچی، په‌یڤدارێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ پێنجی ترۆمبێلێن پیكاب یێن گروپا تیرۆرستیا داعش چه‌كێ ناڤنجی لسه‌ربوویه و تژی بووینه ل ته‌رمێن چه‌كدارێن وان ل قه‌زا بێجی گه‌هشتینه نه‌خۆشخانه‌یێن باژێڕێ مووسل و پشتی گه‌هشتنا وان ته‌رما هاتن وچوون لباژێڕی هاته قه‌ده‌غه‌كرن”.
سورچی گۆتژی” بته‌مامی هژمارا وان ته‌رما نه‌هاتیه زانین، به‌لێ پێشبینی دكه‌ین 100 ته‌رم دناڤا ترۆمبێلێن داعشدابن، هه‌مووژی ل شه‌ڕ و پێكدادانێن چه‌ند رۆژێن بۆری ل قه‌زا بێجی هاتینه كوشتن و پتریا وانژی بیانینه”.
