فڕۆكه‌یێن هه‌ڤپه‌یمانان 15 چه‌كدارێن داعش كوشتن
ئه‌ڤرۆ نیۆز، قائید میرۆ
د ئه‌نجامێ دو هێرشێن فڕۆكه‌یێن هه‌ڤپه‌یمانان ل ناحیا گه‌یاره و قه‌زا ته‌له‌عفه‌ر هژماره‌ك چه‌كدارێن تیرۆرستێن داعش هاتنه كوشتن.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” فڕۆكه‌یێن هه‌ڤپه‌یمانان باره‌گایه‌كێ گروپا تیرۆرستیا داعش ل سه‌نته‌رێ ناحیا گه‌یاره ل باشوورێ باژێڕێ مووسل بوردۆمانكرن و د ئه‌نجامدا، ژبلی خراپكرنا باره‌گایێ داعش 9 چه‌كدارێن وانژی هاتینه كوشتن و برینداركرن.
هه‌مان ژێده‌ری دیاركر، ل تاخێ مه‌لایێن یێ قه‌زا ته‌له‌عفه‌رژی فڕۆكه‌یێن هه‌ڤپه‌یمانان باره‌گایه‌كێ داعش بوردۆمانكرن و شه‌ش چه‌كدارێن تیرۆرستێن داعش هاتنه كوشتن.