ئسپانيا ژنه‌ك ب تۆمه‌تا برنا كچان بۆ ناڤ داعش ده‌سته‌سه‌ركر
ئه‌ڤرۆ نيوز:
وه‌زاره‌تا ناڤخۆ يا ئسپانى راگه‌هاند كو ئه‌ڤرۆ رۆژا سێشه‌مبى ژنه‌كا ئسپانى هاتيه ده‌سته‌سه‌ركرن كو كار ژ بوو برنا كچان بۆ ناڤ رێزێن داعش دكر.
د به‌ياننامه‌كێ دا، ئه‌ڤرۆ رۆژا سێشه‌مبى رێكه‌فتى 7ى تيرمه‌ها 2015ێ وه‌زاره‌تا ناڤخۆ يا ئسپانى راگه‌هاند كو ئه‌وان ژنه‌ك ل ئسپانيا ده‌سته‌سه‌ركريه كو كار ژ بوو رازيكرنا كچان دكر دا كو ببه‌ته ناڤ رێزێن چه‌كدارێن داعش.
ئه‌ڤێ به‌يانێ ئاماژه ب وێ چه‌ندێ ژى كريه كو ئه‌ڤ ژنا ل ئه‌رسيڤى ل لاتسارۆتى هاتيه ده‌سته‌سه‌ركرن په‌يوه‌نديێن ئێكسه‌ر يێن ل گه‌ل رێكخستيێن ڤێ رێكخراوا تۆندڕه‌و دا هه‌ين.
ل ئه‌ڤ ساله حوكمه‌تا ئسپانيا 46 گه‌نج ب مه‌ره‌ما چوونا ناڤ رێزێن داعش ده‌سته‌سه‌ركرينه و راگه‌هاند كو ئه‌و نوكه بزاڤا وێ چه‌ندێ دكه‌ن ل چاره‌كێ بگه‌ريێن گه‌نجێن وان نه‌چنه ناڤ رێزێن ڤان رێكخستيێن تۆندڕه‌و ل سوريا و عيراقێ.
