زیرەک تاھر: نابیت وەک جارا دی غەدر ل بەلێندەرێن دھۆکێ بھێتەکرن
ئه‌ڤرۆ نيوز:
سەرۆکێ ئێکەتیا بەلێندەرێن کوردستانێ تایێ دھۆکێ دیارکر ئەو پارێ ھاتی یە دیارکرن کو ١٠٠ ملیار دینار ژ ١٦٦ ملیار دینار و ٧٧١ ملیۆن دینارێن بودجا ھەیڤا شەشێ ژلایێ بەغدا بھێت بۆ ھەر سێ پارێزگەھێن ھەرێمێ دبیت، سەرۆکێ ھەر سێ لەقا ل گەل وەزارەتا پلان دانانێ و وەزارەتا دارایی پێکڤە رۆنن بۆ دابەشکرنا ئەوی پارەیێ بۆ بەلێندەران ھاتی یە دیارکرن.
زیرەک تاھر دۆسکی سەرۆکێ ئێکەتیا بەلێندەرێن کوردستانێ تایێ دھۆکێ ئەو چەندە ژی گۆت: ئەو فشارا ھاتی یە کرن پێکڤە ژلایێ ھەرسێ لەقان ھاتیە کرن ژبوی مافێ بەلێندەرا بھێتە دابینکرن و ئێک دەنگ و رایین ل سەر مافێن بەلێندەران،بریار بۆ ئەڤرۆ خو پیشاندانەک بھێتە کرن لێ پاشی وەزیری ئەو بریار دا و خوە پیشاندان ھاتە لادان و چاڤەریێ سوزا وەزیرێ دارایی نە بو بجھکرنا ١٠٠ ملیار دیناران بۆ بەلێندەران بھێتە بجھکرن،ئەگەر غەدر ل پارێزگەھا دھۆکێ و بەلێندەرێن دھۆکێ نە ھێتەکرن.
سەرۆکێ ئێکەتیا بەلێندەرێن کوردستانێ تایێ دھۆکێ ئەو چەندە ژی دیارکر ھەتا نھا نزانین ژ وان ١٠٠ ملیار دیناران چەند بەردھۆکی دکەڤن و ھێشتا میکانزما بەلاڤکرنا وی پارەی ب سەر ھەر سێ پارێزگەھان نە ھاتیە دیارکرن،ئەگەر وەک پار بیت کو ب شێوەیەکێ دیار غەدر ل پارێزەھا دھۆکێ و بەلێندەرێن دھۆکێ ھاتەکرن و ئەڤێ جارێ ئەم قەبۆل ناکەین، کو ٧٤ ملیار دینار بۆ سلێمانیێ و ٧٤ ملیار دینار بۆ ھەولێرێ بۆ دھۆکێ بتنێ ٤٢ ملیار دینار بوون، یێن ھەر دوو پارێزگەھێن دی تێرا کرن یێ مە تێرا نەکرن و مە داخوازکر پشتی چەندین پێکولان ھەتا دوو ملیار دینارێن دی داینە مە .
