خزمه‌تگوزاری ل دهۆكێ كێمترن ل چاڤ پارێزگه‌هێن دی
ئه‌ڤرۆ نیۆز، قائید میرۆ
ئه‌ندامه‌كا جڤاتا پارێزگه‌ها دهۆكێ ئاماژه ب وێ چه‌ندێ دكه‌ت، خزمه‌تگوزاری ل پارێزگه‌ها دهۆكێ زۆر كێمترن ل چاڤ پارێزگه‌هێن دی، به‌لێ خه‌لكێ دهۆكێ هێمنتره هه‌مبه‌ر كێماسیان.
شیلان هێتووتی، ئه‌نداما جڤاتا پارێزگه‌ها دهۆكێ ب ئه‌ڤرۆ نیۆز راگه‌هاند” خزمه‌تگوزاریێن ژیانێ ل سنورێ دهۆكێ كێمترن ل پارێزگه‌هێن دی، به‌لێ خه‌لكێ پارێزگه‌ها دهۆكێ بهێن فره‌هتره ژ پارێزگه‌هێن دی، له‌وڕا هه‌تا نوكه خۆنیشاندانژی نه‌كرینه، ل گه‌ل ڤێ چه‌ندێ به‌رده‌وام داخوازیێن خوه دگه‌هینن لایه‌نێن په‌یوه‌ندیدار.
شیلانێ گۆتژی” ئه‌ڤ خۆنیشاندانێن نوكه ل ده‌ڤه‌رێن جۆدایێن هه‌رێما كوردستانێ تێنه‌كرن، باوه‌رناكه‌م بهێنه ڤه‌گوهاستن بۆ ده‌ڤه‌را به‌هدینان، ئه‌گه‌ر خه‌لكێ دهۆكێ خرڤه‌بوونان ژی بۆ دابینكرنا خزمه‌تگوزاریان بكةن دێ خرڤه‌بوونێن هێمن و دوور ژ توندوتیژیان بن.
