خزمه‌ته‌كا نوو ژ Twitter
ئه‌ڤرۆ نيوز:
ب هه‌ڤكارى ل گه‌ل كۆمپانيا Sound Cloud يا ئه‌لمانى، Twitter خزمه‌تا گوهداريكرن و دانانا ده‌نگى ب ره‌نگه‌كێ ئێكسه‌ر خسته ناڤا خزمه‌تێن خوه.
Twitter ل رۆژا پێنجشه‌مى خزمه‌ته‌كا نوو ب ناڤێ Audio Card خسته ناڤا سيسته‌مێ خوه كو ب رێيا وى بكارهێنه‌ر دشێت پارچه موسيقان و ده‌نگى ژى بدانيته سه‌ر ب ره‌نگه‌كێ ئێكسه‌ر.
ل ده‌سپێكێ Twitter سۆز دابوو كو پێكهاتێن كۆمپانيێن Sound Cloud و تيما Cold Play يا ميۆزيكى و كۆمپانيا Warner Music Group يا ميۆزيكى و مالپه‌رێن ده‌نگوباسان يێن وه‌كو Washington Post و تۆرا CNN بدانيته سه‌ر Twitter ژبوو مفا وه‌رگرتنێ.
Twitter گۆت: “ئه‌و بزاڤێ دكه‌ن بۆ پاشه‌رۆژێ خزمه‌تێن باشتر ژ كۆمپانيێن مه‌زنتر به‌رهه‌ڤ بكه‌ن”
چاوانيا پێشخستنا ڤێ خزمه‌تێ نه‌دا، به‌لێ گۆت: “ئه‌ڤه ده‌ليڤه‌يه بۆ ميۆزيكيا و سترانبێژان پارچێن سترانان و يێن ميۆزيكان يێن تايبه‌ت ب وان ڤه ب ره‌نگه‌كێ تايبه‌ت ل سه‌ر Twitter بدانن”.