داعش ب ناڤ ئێك كه‌ڤتن
ئه‌ڤرۆ نیۆز، قائید میرۆ
ژ ئه‌گه‌رێ شه‌ڕه‌كێ نافخۆیێ چه‌كدارێن داعش ل رۆژئاڤایێ باژێڕێ مووسل هژماره‌ك داعش هاتنه كوشتن.
ژێده‌ره‌كێ ئاگه‌هدار ل ره‌وشا مووسل ب ئه‌ڤرۆ نیۆز راگه‌هاند” دو گروپێن ناڤا داعش ل قه‌زا به‌عاج یا رۆژئاڤایێ مووسل دنێڤبه‌را خوه‌دا بشه‌رهاتینه و ئێك ژوان گروپا خه‌لكێ ته‌له‌عفه‌رن و سه‌ركرده‌یێ وان ئه‌بو عه‌بدولڕه‌حمان عه‌فه‌ری بوویه و گروپا دیژی خه‌لكێ باژێڕێ مووسل بووینه.
ژێده‌ری گۆت ژی” د ئه‌نجامێ ئه‌ڤی شه‌ڕێ ناڤبه‌را چه‌كدارێن داعش 17 كه‌س هاتینه كوشتن و برینداركرن، ئه‌گه‌رێ ئه‌ڤی شه‌ڕی بۆ به‌لافكرنا مال و ده‌ستكه‌فتێن خه‌لكی بوویه دناڤبه‌را خوه‌دا.
