كونسلێ بریتانیا ل هه‌رێمێ ل دهۆكێ یه
دهوك ..ئه‌كره‌م ئیبراهیم
ئه‌ڤرو پشتى نیڤرو فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز ئه‌نگس مكگى كونسلێ بریتانیا ل هه‌رێما كوردستانێ و شاندێ دگه‌لدا كر ,
دهه‌ڤدیتنه‌كێ به‌حسێ ره‌وشا ده‌ڤه‌رێ ژلایێ ئابورى و بازرگانێ و كارتێكرنا شه‌رێ تیرورستێن داعش ل سه‌ر بزاڤا بازرگانى و ئابورى و كارێ وه‌به‌ر ئینانێ ل هه‌رێما كوردستانێ ب گشتى و پارێزگه‌ها دهوكێ ب تایبه‌تى هاته كرن ,
دلایه‌كێ دیێ هه‌ڤدیتنێ به‌حسێ ره‌وشا ئاواره و په‌نابه‌ران ل سنورێ پارێزگه‌ها دهوكێ هاته كرن و ئه‌و خزمه‌تێن تا نوكه كارگێریا پارێزگه‌ها دهوكێ و رێكخراوێن UN و خێرخازى بو خوشكرنا ژیانا ئاواره و په‌نابه‌ران كرین ,
شاندێ نافبرى دیار كر كو ئارمانج ژ هاتنا وان پشكدارى كرنه دروینشتنا گروپێ بزنسمانێن كوردستانێ بو خورتكرنا هه‌فكاریا ئابورى و بازرگانى و دیار كر كو چه‌ندین كومپانیێن مه‌زن یێن بریتانێ دگه‌ل خو ئیناینه وه‌كو كومپانیا جاگوار و چه‌ندێن دى یێن مه‌زن پێشكه‌فتى ب ئارمانجا زڤدراندنا باوه‌ریێ بو كومپانیێن بیانى بێخه‌مه‌ت خورتكرنا بزاڤا وه‌به‌رئینانێ و بازرگانیێ ل هه‌رێما كوردستانێ ,
پارێزگه‌رێ دهوكێ داكوكى ل هاریكارى و پشته‌ڤانیا به‌رده‌وام یا بریتانیا بو كه‌رتێ ئابورى و بازرگانیێ كوردستانێ كر ,
دیسان پارێزگه‌رێ دهوكێ هاریكاریا نێڤ ده‌وله‌تى خواست بو هندى هاریكاریا ئاوارا بهێته كرن بزڤرنه ڤه سه‌ر جهێن خو ب تایبه‌ت ئه‌و ده‌ڤه‌رێن هاتینه رزگار كرن و پێدڤى ب خزمه‌تێن گرنگ هه‌یه وه‌كو سنونێ و ره‌بیعه و زمار و گوندێن وان .
