500 حه‌جیێن مووسل زڤرینه‌ڤه
ئه‌ڤرو نیوز،بارزان مزوورى
ژێده‌ره‌ك ژ چه‌كدارێن رێكخراوا ئازاد ل ناڤ باژێرێ مووسل بو مالپه‌رێ ئه‌ڤرو نیوز ئاشكرا كر كو ئه‌و حه‌جیێن ناڤێن وان بو حه‌جا ئه‌ڤ سال ده‌ركه‌فتین یێن پارێزگه‌ها مووسل بو به‌غدا هات بونه ڤه‌گوهاستن كو به‌ره‌ڤ عه‌ره‌بستانا سعودیه بچن ئه‌و چه‌ند روژ بو ل مزگه‌فتا ” ام القرى ” ل به‌غدا بون وئه‌ڤرو سپێدێ 14 ئه‌یلولێ 2015 ژبه‌ر كو هنده‌ك حه‌جیێن به‌غدا جهێ وان گرتبوو، جاره‌كدى زڤرینه پارێزگه‌ها مووسل.
ناڤبرى دیار كر كو ژوان حه‌جیێن پارێزگه‌ها مووسل ژمارا وان 500 حه‌جى بون و هه‌موو ژ وان به‌رى نها ناڤێن خو توماركربون و چه‌ند بو ل هیڤیا وێ چه‌ندێ كو ناڤێن وان بهێن و ناڤێن وان هاتن ، لێ رێ ب وان نه‌هاته‌دان كو بچن و جهێن وان ب هنده‌ك حه‌جیێن دى هاته پركرن.
