تورەبونا زەلامی کارتێکرن ل سەر ڤیانا ھەڤژینیێ ھەیە
ئه‌ڤرۆ نيوز:
تورەبوون ئێکە ژوان سالوخەتان کو ل دەڤ گەلەک کەسان دھێتە دیتن تایبەت دناڤ مالباتێ دا و لنک زەلامی ھەیە و گەلەک کەس ڤێ یەکێ ب زەلامینی ل قەلەم ددەن دورونناسەک ژی دیار دکەت کو، ھەموو کەسان تورەەبون لنک ھەیە لێ ھەرئێک ب رێکەکێ تورەبونا خوە دەردبریت.
دەروونناس دکتور محەمەد سەعید کزویی دیار کر، تورەبون یان ھەرساخلەتەکا دی کو دچارچوڤێ ھەلچونا دا بیت ژ ئەگەرێ دو فاکتەرایە و گۆت: یێ ئێکێ ژلایێ لەشی ڤە و یی دوێ کوئەندامێ لەشی و ئەڤ چەندە دبیتە ئەگەرێ وێ چەندێ کو مرۆڤ یێ بەرھەڤە ھندەک کاران ئەنجام بدەت ژ وانا تورەبون ب ریکا بو ماوە بو دھێت و ئەڤە دمینیتە لسەر ژینگەھێ ئەگەر ل دەڤ وی کێم کر دێ شێن سنورەکێ بو دانن لێ ئەگەر ژینگەە ئەو بیت کو ئەڤ چەندە ل دەڤ وی زێدە کر دێ یێ بەرھەڤ بیت ھەر گاڤ تورەبون ل دەڤ وی ھەبیت ڤێجا چ ژن بیت یان زەلام.
ماموستایێ زانکویا دھوک ئەو چەندە ژی ئەشکەرا کر،تورەبونێ کارتێکرنێن خوە یێن لسەر مروڤی ھەین ژبەرکو ھورموناتێن دناڤ لەشی دا دھێنە رشتن دچنە دناڤ خوینێ دا و دگەھنە دلی ھەتا کو رەنگێ مروڤی دھێتە گوھوڕین و دل پتر خوە قوتیت و گۆت: ئەڤ چەندە ئەگەر ھەرا دبەر دەوام بیت دێ کارتێکرنەکا گەلەک نێگەتیڤ ل مروڤی بیت ژبەرکو ھەموو لەش تێک دچیت و شولێ مێشکی دراوەستیت و گەلەک جاران دەمێ تورەبون پەیدا دبیت ئەو بریارێن دھێنە وەرگرتن گەلەک نەدروستن .
کزویی دا زانین ژی، تورەبوون حالەتەکێ دەروونی یە و ھەر تشتەکێ دچارچوڤێ نورمالیێ دا بیت کارتێکرنێن نێگەتیڤ نینن ھندەک زوو کونترولێ لسەر تورەبونا خوە دکەن و ھندەک ژی زوو ئارام نابن و گۆت: زەلامێ ھەردەم تورە کارتێکرن لسەر ڤیانا ھەڤژینیێ ھەیە و ڤیانا ھەڤژینا وی بو کێم دبیت تورەبونا بەردەوام ئەگەر گەھشتە رادەکێ زێدە دەوروبەرێن مروڤی تەحەمولا مروڤی ناکەن و دبیت مالباتا ل دژی مروڤی براوستیت یان خوە ژ مروڤی دوور بکەن.
