وه‌زيرێ ساخله‌ميێ: كولێره هاته كونترۆلكرن
ئه‌ڤرۆ نيوز:
وه‌زيرا ساخله‌ميا عيراقێ راگه‌هاند: نه‌خۆشيا كولێرايێ هاته كونترۆلكرن و مادێ كلورێ ژى ب سه‌ر هه‌موو پارێزگه‌هێن عيراقێ دا هاته به‌لاڤكرن.
پشتى ل رۆژا شه‌مبى 21 حاله‌تێن تووشبوون ب نه‌خۆشيا كولێرايێ ل پارێزگه‌ها موسه‌نا هاتينه تۆماركرن پتريا وان پشتى وه‌رگرتنا چاره‌سه‌ريێ ره‌وانه‌يى مال كرن و عه‌ديلا حه‌مود وه‌زيرا ساخله‌ميێ ل عيراقێ كونترۆلكرنا نه‌خۆشيێ ب ته‌مامى د كۆنگره‌كێ رۆژنامه‌ڤانى دا راگه‌هاند.
هه‌ر د وى كۆنگرێ رۆژنامه‌ڤانى دا ئاماژه ب وێ چه‌ندێ ژى كر كو ئه‌ڤ نه‌خۆشيه نه گه‌له‌ك يا گران بوو ب ره‌نگه‌كێ وه‌رزى بوو و نوكه كلور يا ب سه‌ر هه‌موو پارێزگه‌هێن ناڤه‌راست و باشوورێ عيراقێ دا به‌لاڤكرى بۆ ناڤ ئاڤێ ژ به‌ر كو ئه‌ڤ نه‌خۆشيه ژ ئاڤا پيس دروست دبيت و نوكه يا هاتيه كونترۆلكرن.
