خوە پاراستن ژ کولێرێ چوو د ناڤ قوتابخانان دا
ئەڤرۆ نیوز، سالار دۆسکی:
ل ژێر دوریشمێ (خوە پاراستن چێترە ژ چارەسەریێ) ئەڤرۆ ٢٤ى چريا ئێكێ قوتابخانا بەھدینان یا بنەرەت سەر ب پەروەردا دھۆک یا رۆژئاڤا ڤە ب ھەڤکاری ل گەل رێڤەبەریێن ئەوقاف و کاروبارێن ئاینی ل دھۆکێ، ساخلەمیا دھۆکێ بنگەھێ زانین، فەرمانگەھا ژینگەھا دھۆکێ روونشتنەک ل گەل دایک و بابێن قوتابیان سازکر وەکو شیرەت و ھوشداری و خوەپاراستن ژ نەخوەشیا کولێری ل مزگەڤتا دھۆکی ل تاخێ شێلێ.
ل دەسپێکێ یاسین محسن رێڤەبەرێ قوتابخانا بەھدینان بخێرھاتنا مێھڤانان کر و خواست دایک و بابێن قوتابیان ھەڤکار بن ل گەل قوتابخانێ بۆ خوە پاراستن ژ نەخوەشیا کولێرێ، د دووڤ دا د. نورەدین رێڤەبەرێ بنگەھێ زانینێ قوتابیان چەندین شیرەت و ئاموژگاری ل دایک و بابان کر ن ب مەرەما خوە پاراستن ژ ڤێ نەخوەشیێ.
د دووڤ دا، ئەندازیار حسێن ئەحمەد ل فەرمانگەھا ژینگەھا دھۆکێ چەندین شیرەت و رێیێن خوە پاراستن و چێبوونا ژینگەھەکا ساخلەم ئاراستەی دایک و بابان کرن و ھیڤی خواستن ئەڤان شیرەتان وەربگرن و ھەر بۆ سلامەتیا زارۆیین وانە.
