گه‌نجه‌كى گيانێ خوه ژ ده‌ست دا
ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو ئه‌ڤرۆ ئێڤارى گه‌نجه‌كێ 20 سالى ژ ئه‌گه‌رێ ده‌ستكارى كرن د چه‌كى دا گيانێ خوه ژ ده‌ست دا.
نه‌قيبێ مافپه‌روه‌ر، هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئێڤاريا ئه‌ڤرۆ رۆژا پێنجشه‌مبى رێكه‌فتى 29ى چريا ئێكێ يا 2015ێ گه‌نجه‌كێ 20 سالى ب ناڤێ (س.ع.ى) ل ئێك ژ گۆندێن سه‌ر ب ناحيا دينارتێ ڤه گيانێ خوه ژ ده‌ست دا”.
زێده‌تر گۆت: “گيان ژ ده‌ستدانا ڤى گه‌نجى ژ ئه‌گه‌رێ ده‌ستكاريكرنێ بوو د پارچه‌كا چه‌كى يا ژ جۆرێ كلاشينكۆف دا كو گوله‌يه‌ك ژێ ده‌ركه‌فتيه و ب وى كه‌فيته و د ئه‌نجام دا گيانێ خوه ژ ده‌ست دايه”.
به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ دا زانين ژى كو لاشى وى يێ بۆ نۆشداريا داد هاتيه ره‌وانه‌كرن و ڤه‌كۆلين ل دۆر ئه‌گه‌رێن دروستێن مرنا ڤى كه‌ستى ل بنگه‌هێ پۆليسان يا ده‌سپێكرى.
