کچێن زێرەڤانی چاڤ ل یاریا دووماھیا خۆلێ یە
ئەڤرۆ نیۆز، ھەژار مەعروف:
پشتی ھەر چار یانێن چارگوشا زێرینا فۆتسالا کوردستانێ ل سەر ئاستێ کچان ئاشکرا بووین ئەوژی ھەردو تیمێن زێرەڤانی و ئافرەتێن ھەولێرێ ژ کۆما ئێکێ و ئەڤرۆ دێت و پیرەمەگرم ژ کۆما دوێ ، ئێکەتیا تەپا پیێ یا ناڤەندی ل ھەرێما کوردستانێ یاریێن قوناغا چار گوشا زێرین دەست نیشانکرن کو بریارە یاریێن ڤێ قوناغێ سوباھی بھێنەکرن.
تیما زێرەڤانی وەکۆ قارەمانا کۆما ئێکێ دێ ھەمبەری کچێن یانا ئەڤرۆ دێت یا سلێمانیێ بیت ل ھۆلا گرتیا شەھید فەرەنسۆ حەریری و سەرکەفتیێ ڤێ یاریێ ئێکسەر دەربازی یاریا دووماھیا خۆلێ بیت و خوسارەتیێ وێ دێ چاڤەرێ سەرکەفتیێ یاریا ھەردو یانێن پیرەمەگروم و ئافرەتێن ھەولێرێ بیت .
