ئەڤرۆ زاخۆ و ھەولێر دێ یاریەکا دێربی ئەنجام دەن
ئەڤرۆ نیوز، زنار:
بریارە ئەڤرۆ ئێڤاری ل دەمژمێر سێ پشتی نیفرو ھەردو یانێن زاخۆ و ھەولێر یاریەکا دێربی ل سەر ئاستێ کوردستانێ ل یاریگەھا فرەنسو حەریری بکەن ژ چارچوڤێ یاریێن گەرا ھەشتێ ژ خولا عیراقێ یا تەپا پێ بۆ یانێن نایاب.
ئەڤ یاریە دێ ھێتە چاڤەرێ کرن یا ب زەحمەت بیت بۆ ھەردو تیمان ژ بەرکو یانا ھەولێر ھەتا رادەیەکی ئەنجامێن وێ د باشن سەرەرای قەیرانا دارایی یا ڤێ یانێ و نوکە ل رێزا سیێ یە د کوما خوە دا ب ١٢ خالان ژ سێ سەرکەفتنا و و سێ وەکھەڤیان.
بەرامبەر یانا زاخۆ دێ د ڤێ یاریێ دا دو یاریکەرێن وێ یێن سەرەکی یاریێ ناکەن و نوکە باشترین تیم ل سەر ئاستێ عیراقێ دھێتە نیاسین و شیانێن ھەڤرکیێ ژی ھەنە لەورا نوکە ئەو ژی ل رێزا چارێ دھێت ب ١٢ خالان ب جوداھیا گۆلان ژ یانا ھەولێر خودانا رێزا سیێ و دھێتە پێشبینی کرن ئەڤرۆ یاریەکا بھێز و ژلایێ ھونەری و ھێزا لەشی ڤە ژلایێ ھەردو یانان ڤە بھێتە دیتن و پێشبینیا ھەر ئەنجامەکی ژی دھێتە کرن بۆ ڤێ یاریێ.
