ژ ئه‌گه‌رێ باران بارينان سێ كه‌سان گيانێ خوه ژ ده‌ست دا
ئه‌ڤرۆ نيوز:
شه‌ڤا بۆرى ل گۆنده‌كێ سه‌ر ب ناحيا ته‌كيا جه‌بارى ل سلێمانيێ ژ ئه‌گه‌رێ هه‌رفينا خانيێ وان سێ وه‌لاتيان گيانێ خوه ژ ده‌ست دا.
ژێده‌ره‌كى ژ ناحيا ته‌كيا جه‌بارى بۆ خه‌ندان راگه‌هاند: “شه‌ڤا بۆرى ژ ئه‌گه‌رێ بارينا بارانێ خانيه‌كێ گۆندێ چيمه‌ن حه‌سه‌ن خان ل ناحيا ته‌كيا جه‌بارى هه‌رفى و ژ ئه‌گه‌رێ وێ چه‌ندێ ژى سێ وه‌لاتيان گيانێ خوه ژ ده‌ست دا”.
ئه‌وى ژێده‌رێ مالپه‌رێ ناڤبرى ئاماژه ب ناڤێ وى نه‌كرى گۆتژى: “ئه‌و سێ كه‌سه ئاوارێن عه‌ره‌بن و دو ژن و زارۆيه‌كن و ل وى گۆندى دژين”.
ماوێ دو رۆژايه ب ره‌نگه‌كێ به‌رده‌وام ل سنورێ ناحيا ته‌كيا جه‌بارى باران دباريت و هه‌تا نوكه ژى ل وێ ناحيێ نێزيكى 150 ملم باران باريه.