یانا دھۆک سەرکەفتن تومارکر
ئەڤرۆ نیوز، زنار زوبێر:
فوتو، قەیس وەیس:
تیما تەپا پێ یا یانا دھۆک شیا ل ناف یاریگەھا خوە دا سەرکەفتنێ توماربکەت ل سەر یانا نەفت ب دو گۆلان بەرامبەر گۆلەکێ ژ چارچوڤێ یاریێن کاسا عیراقێ.
د نیڤا ئێکێ دا یانا دھۆک شیا ب شێوازەکێ نوو یاریەکا جودا یاریا خوە بکەن ب پلانا سێ ھێرشبەران دیسان ب پشکداریا سێ یاریکەرێن نوو یێ تیما لاوێن یانا دھۆک د ڤێ یاریێ دا لەورا د ڤێ نیڤێ دا شیا ئاستەکێ باش پێشکێش بکەت و پێش ب کەڤیت ب گۆلا یاریکەرێ خوە خالد مشیر ب لێدانا پەنلتیێ ل دەقیقەیا ٢٨.
د نیڤا دویێ دا ھەر زوو یانا نەفت شیا گۆلا وەکھەڤیێ تومار بکەت ب رێکا یاریکەرێ خوە عەلی قاسم لێ ھند نەچوو یاریکەرێ یانا دھۆک ئاماد ئسماعیل شیا گۆلا دویێ و سەرکەفتنێ بۆ یانا دھۆک توماربکەت و یاریێ ب ڤی ئەنجامی ب دووماھی بینن، ب ڤێ سەرکەفتنێ یانا دھۆک دەربازی قوناغا ھەشتێ یا قارەمانیێ بوو و دێ یاریا خوە یا بھێت ل گەل یانا ختوت کەت.
ل دۆر ڤێ یاریێ راھێنەرێ یانا دھۆک یێ نوو ئاشتی مستەفا بۆ سایتێ ئەڤرۆ نیوز گۆت: ئەڤ سەکەفتنە دێ بیتە پالدەر ئەنجامێن یانێ باشتر لێبھێن د خولا عیراقێ دا دیسان شیاین ڤێ یاریێ شێوازێ بەری نوکە یێ یانێ ب گوھۆرین و پشتبەستنێ لسەر یاریا ھێرشبەریێ بکەین.