زێرەڤانی گەھشتە رێککەفتنێ ل گەل عەبدوی
ئەڤرۆ نیۆز، ھەژار مەعروف:
یاریکەرێ ھەلبژارتیێ لیبیا یێ بەری نوکە و یانا ئیتحاد بنغازی یا لیبی عبدولحکیم عەبدو گەھشتە رێککەفتنێ ل گەل کارگێریا یانا زێرەڤانی بۆ ئیمزاکرنا ھەڤبەستا وێ یانێ دخۆلا کوردستانێ دا پشتی دیڤچوونا ئاستێ وی ھاتیە کرن ژلایێ دەستەیا راھێنەریا تیما زێرەڤانی.
دەنگوباس ل یانا زێرەڤانی وەسا دیاردکەن راھێنەرێ تیما زێرەڤانی داخوازی ژ یانێ کری یە ھەڤبەست ل گەل عەبدوی بھێتە ئیمزاکرن ژبەرکو دێ مفا ژ شیانێن ئەوی ھێـە وەرگرتن و بریارە ئەڤرۆ ھەتا سوباھی ب فەرمی ھەڤبەستا وی بھێـتە راگەھاندن.
ھەژی گوتنێ یە یاریکەرێ ناڤبری بەری نوکە ل ھەلبژارتیێ لاوان و ئۆلومپی و ھەلبژارتیێ ئێکێ یێ لیبیا یاری کری یە ل چەندین یانێن بەرنیاس ل سەر ئاستێ لیبیا ژی کری یە وەکو یانێن ئەھلی و ئیتحاد یێن لیبی.