رۆژا ئێكێ ژ رۆژانێن ئه‌ده‌بیاتێ ل زاخۆ هاته گێران
ئه‌ڤرۆ نیۆز، رێوار مزیرى:
رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ، رێڤه‌به‌ریا چالاكیێن وێژه‌یى ل دهۆكێ، رێڤه‌به‌ریا ره‌وشه‌نبیرى و هونه‌رى ل زاخو، سه‌نته‌رێ ره‌وشه‌نبیرى ل زاخو رۆژا ئێكێ ژ رۆژانێن ئه‌ده‌بیاتێ ئه‌ڤرۆ رۆژا سێشه‌مبى 24/11/2015 ل ده‌مژمێر 3:30 ئێڤارى ل هولا باژێرڤانیا زاخۆ گێرا، هه‌ژى گۆتنێ یه كو سوبه‌هى رۆژا چارشه‌مبى 25/11/2015 دێ رۆژا دویێ ژ ڤان رۆژانان ل هه‌مان ده‌م و جه هێته گێران
هه‌لگۆرد قه‌هار، رێڤه‌به‌رێ رێڤه‌به‌ریا چالاكیێن وێژه‌یى ل دهۆكێ بۆ ئه‌ڤرۆ نیۆز ئاشكرا كر كو د رۆژا ئێكێ یا ئه‌ده‌بیاتا دا هوزانا سترانێ ل زاخۆ ژ لایێ (عه‌بدولقادر نورى) و هونه‌رمه‌ند (كاروان سێڤۆ) ڤه هاته به‌حسكرن و پاش چه‌ندین هه‌لبه‌ست ژ لایێ مسته‌فا حسێن ڤه هاتنه خواندن و د هه‌مان ده‌م دا ناڤبرى هاته رێزلێنان و گۆت: ل رۆژا دویێ یا ئه‌ده‌بیاتا ره‌وشا به‌رهه‌مێن ئه‌ده‌بى ل زاخۆ و پێداچوونا زمانى دێ ژ لایێ (سه‌عید حاجى به‌درى) ڤه هێته به‌حسكرن و پشتى چه‌ندین هه‌لبه‌ست ژ لایێ (د. به‌درخان سندى) ڤه دهێنه خواندن دێ هێته رێزلێنان.
د لایه‌كێ دى دا ناڤهاتى گۆت: هیڤیدكه‌م ئه‌م بشێن ب رێیا ڤان رۆژانێن ئه‌ده‌بى ب شێوه‌كێ ئه‌كادیمى ره‌وشا ئه‌ده‌بیاتێن ده‌ڤه‌رێ بزانین كا د چو ئاست دایه و خزمه‌تا وان كه‌سان بكه‌ین یێن ئه‌ده‌بیات گه‌هاندینه ڤێ قووناغێ.