ل كوردستانێ هه‌موویێ ب تنێ بۆ دهۆك هاته كرن
ئه‌ڤرۆنیۆز، سالار دۆسكێ”
رێڤه‌به‌رێ رێڤه‌به‌ریا راگه‌هاندنێ ل رێڤه‌به‌ریا گشتى یا ئه‌وقاف و كارۆبارێن ئاینى ئاشكراكر كو رێڤه‌به‌ریا ناڤبرى رابوویه ب دابه‌شكرنا گازێ ل سه‌ر هه‌موو جهێن ئاینى ل پارێزگه‌هێ و ب شێوه‌كێ داد په‌روه‌رانه.
مالك ره‌مه‌زان رێڤه‌به‌رێ رێڤه‌به‌ریا راگه‌هاندنێ ل رێڤه‌به‌ریا گشتى یا ئه‌وقاف و كارۆبارێن ئاینى ل پارێزگه‌ها دهۆكێ بۆ ئه‌ڤرۆ نیۆز گۆت: رێڤه‌به‌ریا گشتى یا ئه‌وقاف و كارۆبارێن ئاینى ل پارێزگه‌ها دهۆكێ رابوویه ب دابینكرنا گازا سپى بۆ هه‌موو جهێن ئاینى ل پارێزگه‌ها دهۆكێ(مزگه‌فت، كه‌نسیه، جهێن ئولێ ئزدیان) كو پتر ژ (1450) جهان بووینه، زێده‌بارى دابینكرنا گازا سپى بۆ مزگه‌فتێن ده‌ڤه‌را زوومار.
مالكى هێشتا ژى گۆت: هه‌ش سه‌د هزار لترێن گازا سپى د ڤێ هه‌وێ دا هاتینه دان، كو بۆ هه‌ر جهه‌كى (400) لتر .
هه‌ڤده‌م مالكى گۆت: ئه‌ڤه سالا دوویێ ل دووڤ ئێكه و ب پشته‌ڤانیا فه‌رهاد ئه‌مین پارێزگه‌رێ دهۆكێ ئه‌ڤ كاره دهێته ئه‌نجامدان، ژبه‌ر قه‌یرانا دارایى یا ئابوورى ل چ جهێن كوردستانێ ئه‌ڤ كاره نه‌هاتیه ئه‌نجامدان.