ئەڤرۆ یاریا دووماھیا خولێ یە
ئەڤرۆ نیوز، زنار:
بریارە ئەڤرۆ ئێڤاری ل دەمژمێر سێ ئێڤاری ل ھولا گرتیا فرەنسو حەریری ل ھەولێرێ یاریا دووماھیا خولا کوردستانێ یا فوتسالێ نافبەرا کچێن یانا زێرەڤانی و ئەفرودێت بھێتە کرن.
سەرکەفتیێ یاریا ئەفروکە دێ ب ناسناڤێ خولا ھەرێما کوردستانێ ھێتە خەلاتکرن لەروا دھێتە پێشبینی کرن ئەڤرۆکە یاریەکا بھێز بھێتە کرن ژبەرکو ھەردو تیما باشترین یاریکەرێن ل سەر ئاستێ ھەرێمێ ل خوە کومکرینە لەورا دێ ھەڤرکیەکا بھێز د ڤێ یاریێ دا ھێتە دیتن تایبەت ژ لایێ یاریکەرێن فوتسالا کچێن زێرەڤانی ژبەرکو د یاریا پێش دووماھێ ئەفرودێت شیابوو سەرکەفتنێ ل سەر زێرەڤانی توماربکەت ب ٩ گۆلان بەرامبەر شەش گۆلان، لێ کاودانێن ڤێ یاریێ د جودانە ژبەرکو زێرەڤانی دێ ب ھەمی شیانێن خوە ھێتە یاریێ دا پێخەمە پاراستنا ناسناڤێ خولێ بۆ جارا سیێ ل دووڤ ئێک و ئەو یاریکەرێن خودان شیان ھەنە ڤێ چەندێ دەستڤە بینن وەک ئاتا داود و خالیدا سەلیم و سیپەل شوکر و لاڤا محەمەد، بەرامبەر تیما ھەڤرک ژی دێ ب دەرونەکێ باشتر ھێتە د یاریێ دا ژبەرکو بەری نوکە شیایە سەرکەفتنێ ل سەر ڤێ تیمێ تومار بکەت و بۆ جارا ئێکێ ناسناڤێ خولێ ژ دەستێن کچێن زێرەڤانی بینە دەر و بەر ب باژێرێ سلێمانیێ بەت.