رۆژا جیهانى یا خۆبه‌خشان ل دهۆكێ دێ هێته ساخكرن
ئه‌ڤرۆ نیۆز، رێوار مزیرى:
رێكخراوا دهۆك بۆ لاوێن خۆبه‌خش (DOVY) و رێكخراوا (UNV) ب هاریكاریا رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ دێ رۆژا جیهانى یا خۆبه‌خشان ل رۆژا ئێكشه‌مبى 6/12/2015 ل ده‌مژمێر 11 به‌رى نیڤرۆ ل هولا پانۆراما ئازادى ل دهۆكێ ساخ كه‌ت.
چالاكڤان ئه‌حمه‌د سه‌عدون، بۆ ئه‌ڤرۆ نیۆز ئاشكرا كر كو وان دڤێت دڤێ رۆژێ دا لڤینه‌كێ بۆ هه‌ستكرن ب كارێ خۆبه‌خشیێ په‌یدا بكه‌ن، چونكو كارێ خۆبه‌خشیێ پاشه‌رۆژێ بۆ ملله‌تان چێدكه‌ت و گۆت: ” كوردان هه‌ر ژ كه‌ڤن دا كارێ خۆبه‌خشیێ كریه ل ده‌مێ زباره‌كرن ل گوندان دكر”.
ناڤهاتى ئاماژه دا وێ چه‌ندێ كو دڤێ رۆژێ دا دێ 27 كه‌سێن خۆبه‌خشێن پشكدارى د گه‌له‌ك بزاڤ و چالاكیان داكرى هێنه رێزلێنان.