جاده‌یێن ناڤخویى یێن دهێنه قێركرن
ئامێدیێ، مه‌حمود نهێلى:
ده‌ست ب چێكرنا هه‌ژماره‌كا جاده‌یێن نافخویى یێن سه‌نته‌رێ ناحیا چه‌مانكى هاتیه كرن و دێ ل ده‌مه‌كى نێزیك دا ب داوى هێن و كوژمێ پێدڤى ژى بۆ هاتیه ته‌رخانكرن.
هه‌ڤال موحه‌مه‌د شه‌ریف رێڤه‌به‌رێ ناحیا چه‌مانكى بۆ ئه‌ڤرۆ دیاركر، كو هند جاده ل سه‌نته‌رێ ناحیێ تا نها نه‌هاتینه قێركرن و ئه‌ڤ یه‌كه ژى بوویه ئه‌گه‌رێ ئاریشه‌یا هاتن و چونێ بتایبه‌تى ژى ریێن ده‌وبه‌رو به‌رێن قوتابخانه‌یان ژ به‌ر وێ یه‌كێ چێكرنا ڤان جاده‌یان كاره‌كى فه‌ر بوویه و گۆت: ( پرۆژه‌یێ چێكرنا ڤان جاده‌یان پێك دهێت ژ ڤه‌كرن و تێكه‌له‌كرن و قێكرنا جاده‌یان ب درێژاهیا 1500 میتران ل گه‌ل چێكرنا شوستیێن ره‌خێ جاده‌یێ و هه‌ر پێدڤیاته‌كا دى یا تێدا هه‌بیت دێ هێته چێكرن.
ناڤبرى ئاشكرا كر، كوژمێ 600 ملیون دیناران بۆ هاتینه ته‌رخانكرن و نها گه‌هشتیه قوناغا داگرتنا ره‌سیف و قێركرنێ و دده‌مه‌كى نێزیك دا دێ ب داوى هێت.
خویاكر ژى ب چێكرنا ڤان جاده‌یان دێ ئاریشه‌یا هاتن و چونێ چاره‌سه‌ربیت بتایبه‌تى ژى رێیا قوتابخانه‌یێ و هاتن و چونا قوتابیان.
