دێ ئەکتەریێ کەم
ئەڤرۆ نیوز:
سترانبێژ نیان عەبدوللا، د کورتە دیدارەکێ دا بۆ ئەڤرۆ دیارکر، دەمێ وێ دەست ب ھونەری کری ل دەستپێکێ گەلەک حەزدکر ببا شانۆڤان، لێ ئەو دەلیڤە بۆ نەھاتە پێش و حەزا خوە بۆ سترانگۆتنێ گوھۆری و گۆت: ئەز ب ب باوەرم ھەکە من د بۆارێ شانۆیێ دا کار کربا دا گەلەک یا سەرکەفتی بم، لێ ژبەر ئاخفتنێن جڤاکی ئەز نەشیام و ئێدی من سترانگۆتن ھەلبژارت، و بۆ زانین ستافێ فلمێ گەردەلول گەلەک جاران داخواز ژ من کرن ل گەل وان پشکداربم و د بەرھەڤ بوون رۆلەکێ باش ب دەنە من، لێ ئەز رازی نەبووم.
د لایەکێ دی دا گۆت: مافێ حەزژێکەرێن دەنگێ منە داخوازا ستران و بەرھەمێن نوو ژمن بکەن و نوکە ئەز مژوولی چێکرنا کلیپەکێ مە ب ناڤێ (بێ نەسیبم) وێنەکرن ب دووماھی ھاتیە و ب شێوەکێ مۆدرن و پێشکەفتی ھاتیە چێکرن.
ل دووماھیێ گۆت: ئەز نوکە یا بەرھەڤم ژبۆ کارێ درامایێ و ھەکە فلمەکێ باش ھەبوو دێ وەکو ئەکتەر پشکداریێ تێدا کەم.
ناڤھاتیێ ل سالا 1996 دەست ب گۆتنا سترانان کریە، سترانا ئێکێ ب ناڤێ (جێم مەھێلە) تۆمارکریە و حەتا نوکە حەتا 43ستران و 12 کلیپ ھەنە، ھەروەسا دایکا دو کۆڕانە ب ناڤێن (رۆمان و رامان).
