د یوروپا لیگ دا ٢٠ یانە دێ ھەڤرکیا ٩ پلێتان کەن
ئەڤرۆ، زنار:
بریارە ئەڤ شەڤە ٢٠ یانە ھەڤرکیێ ل سەر نەە پلێتێن ماین بۆ گەھشتن بۆ قوناغا دویێ یا قارەمانیا یوروپا لیگ ژ سەرجەکێ ھەر ١٢ کومان، بەری نوکە پازدە یانا پلێتا دەربازبونێ مسوگەر کریە ئە ژی یانێن مولد یا نەرویژی ژ کوما ئێکێ و لێڤەرپول یا ئنگلیزی ژ کوما دویێ و بروسیا دورتموند یا ئەلمانی و کراسنودار یا روسی ژ کوما سیێ و ناپولی یا ئیتالی ژ کوما چارێ و ڤیاریال یا ئسپانی و رابید ڤییەنا یا نەمسا ژ کوما پێنجێ براگا یا پرتوگالی ژ کوما شەشێ، لازیو یا ئیتالی و سانت ئیتیان یا فرەنسی ژ کوما ھەشتێ و بازل یا سویسری ژ کوما نەھێ و توتنھام یا ئنگلیزی ژ کوما دەھێ و شالکە یا ئەلمانی و سبارتا براگ یا چیکی ژ کوما یازدێ و ژ کوما دوازدێ ئەتەلەتیکو بلباو یا ئسپانی ل گەل چار تیمێن ژ قارەمانیا ئوروپا قارەمانێن خولان ئەو ژی یانێن مانچستەر یونایتد و شاختار یا ئوکرانی و گەلەتەسرای یا تورکی و ئەشبیلیا یا ئسپانی.
ژ گرنگترین یاریێن ئەڤ شەڤە دێ ھێنە کرن د کوما ھەشتێ دا دێ گرنگیا خوە ھەبیت ژبەرکو ھێشتا دەربازبونا تیمان ئێکلا نەبویە ئەوا بشکتاش یا تورکی سەرکێشیا وێ دکەت ب نەە خالان دێ یاریا خوە ل گەل یانا سپورتینگ یا پرتوگالی کەت و خودانا رێزا دویێ یانا لوکوموتیڤ موسکو ل گەل ینا سکیندینبرو یا ئەلبانی کەت کو پێدڤی ب وەکھەڤیێ یە بۆ دەربازبونێ.
د کوما ئێکێ دا یانا فەنەرباخچە یا تورکی دەلیڤەکا ب ساناھی ل بەردەرستە دەمێ مێڤانداریا یانا سێلتیک یا ئسکوتەلندی دکەت و ئەنجامێ ڤێ یاریێ چو کارتێکرنا خوە ل سەر چارەنڤیسێ ھەردو یانا ناکەت ژ بەرکو بەری نوکە یانا تورکی دەربازبونا خوە مسوگەر کریە و یانا سێلتیک ژی خواتر ژ قارەمانیێ خواستیە، ژ یارێن دی یێن ئەڤ شەڤە.
د کوما شەشێ دا دێ ھەڤرکی ل سەر رێزا دویێ ھێتە کرن ناڤبەرا یانا مارسیلیا یا فرەنسی و سلوڤان یا چیکی پشتی یانا براگا یا پرتوگالی دەربازبونا خوە وەک سەرکێشا کومێ مسوگەر کری کو یانا مارسیلیا پێدڤی ب وەکھەڤیێ یە پێخەمەت دەربازبونێ، ژ گرنگترین یاریێن دی یێن ئەڤ شەڤە.
٩:٠٠ بروسیا دورتموند * باوک سالونیکا یا یونانی
٩:٠٠ بوردو یا فرەنسی * روبێن کازان یا روسی
٩:٠٠ سیون یا سویسری * لێڤەرپول یا ئنگلیزی
٩:٠٠ فیکتوریا بلزن چیکی * ڤیاریال یا ئسپانی
٩:٠٠ ناپولی یا ئیتالی * لیگیا وارسو یا نرویژی
٩:٠٠ ئەیاکس ئەمستردام * مولدە یا نرویژی
١١:٠٥ ئەتلەتیکو بلباو * ئەلکەمار یا ھولەندی
١١:٠٥ سانت ئیتیان یا فرەنسی * لازیو یا ئیتالی
١١:٠٥ ئەستیراس تریبولس یونانی * شالکە یا ئەلمانی
١١:٠٥ فیورنتینا یا ئیتالی * بیلینینسیش پرتوگالی
١١:٠٥ سپورتینگ لەشبونا * بشکتاش یا تورکی
١١:٠٥ توتنھام یا ئنگلیزی * موناکو یا فرەنسی
