یانەکا چینی دێ ھەڤرکیا بەرشەلۆنا کەت
ئەڤرۆ نیوز:
یانا گوانزو یا چینی قارەمانا یانێن خولا یا ئاسیا گەھشتە یاریا پێش دووماھیا خولێ پشتی د یاریا خوە ئەڤرۆ دا شیای سەرکەفتنێ ل سەر یانا ئەمریکا یا مەکسیکی توماربکەت ب دو گولان بێ بەرامبەر دوێ و بریارە رۆژا پێنج شەمبیا بھێت یاریا خوە یا پێش دووماھیێ ژ قارەمانیێ ھەمبەری ھەلگرا ناسناڤێ قارەمانا چامپیونس لیگ و قارەمانا لیگا ئیسپانیا یانا بەرشەلۆنا بکەت کو سەرکەفتنێ ڤێ یاریێ دێ ئێکسەر دەربازی یاریا دووماھیا قارەمانیێ بیت.
ژلایەکێ دووڤە مێڤاندارا قارەمانیا یانا ھێروشیما یا ژاپونی ژی دەربازی یاریا دووماھیا قارەمانیێ بوو پشتی د ھەردو یاریێن خوە یێن دەستپێکێ دا شیای سەرکەفتنێ توماربکەت ل سەر ئوکلەندا ستی یا نیویزلەندی ب دو گولان بێ بەرامبەر و ئەڤرۆ ژی شیای سەرکەفتنێ ل سەر قارەمانا ئەفریقیا مازیمبی یا گونگوی توماربکەت ب سێ گولان بێ بەرامبەر و بریارە رۆژا چارشەمبیا بھێت ھەمبەری یانا رێڤەرپلێت یا ئەرژەنتینی بکەت .
