دخولا سعودیێ دا یاریگەھا تەپا پێ بۆ جھێ خولێکدانا شەری !
ئەڤرۆ نیوز، ھەژار مەعروف:
د یاریا دناڤبەرا ھەردو یانێن جەبلین و نەجمە ژ خۆلا پلا دو یا سعودیێ دا شەر و تێکدان دناڤبەرا یاریکەر و ئەندامێن و سەرپەرشتێن ھەردو تیمان دا دروست بوون و دادڤانێ یاریێ نەچار بوو یاریێ ب دووماھی بیت بەری دەمێ وی یێ دورست.
دڤێ یاریێ دا ل دقیقا ٧٥ شەر و تێکدان دەستپێکر ئەوژی دەستپێکێ دناڤبەرا دو یاریکەران دا بوو پاش چەند یاریکەرێن دی ژی ئەو شەر مەزنتر لێ کر و ئەو شەر ژبن کونترولا دادڤانی و دەستەیا راھێنەریا ھەردو تیمان دەرکەفت و گەھشتە وێ رادەیێ پولیسێن ل یاریگەھێ تەقە دناڤا یاریگەھێ دا کر بو وێ چەندێ ئەو یاریکەر شەری ب راوستینن .
پشتی دادڤانێ یاریێ ئەو یاری ب دووماھی ئینای ئێکەتیا تەپا پێ یا سعودی بریار دایە لژنەیەکێ پێک بئینن بۆ دیڤچوونا وێ یاریێ بکەن و ژلایێ خوڤە کارگێریێن ھەردو یانا چەند یاریکەرێن خوە سزادان و ژ تیمێ دورخستن ژبەرکو ئەوان وەسا دایە دیارکرن ئەگەرێن وی شەرو تێکدانا دناڤا یاریگەھێ ئەو بوون .
ھەژی گوتنێ یە بەری حەفتیەکا ھەر دخولا پلا سێ یا سعودیێ دا دیسان شەر و تێکدان دناڤبەرا جەماوەر و یاریکەران دا دروست ببوو .
