ئه‌ڤ خزمه‌ته‌كا نوو يا Google دێ جهێ G-Mail گريت
ئه‌ڤرۆ نيوز:
گۆگل خزمه‌ته‌كا نوو يا نامێن ئه‌لكترۆنى ب ناڤێ inbox خسته كارى و دهێته پێشبينيكرن جهێ G-Mail بگريت.
ب گۆره‌ى كۆمپانيێ ئه‌ڤ خزمه‌ته بۆ وێ چه‌ندێ يه، نامێن ئه‌لكترۆنى يێن گرنگ نه‌هێنه به‌رزه‌كرن و نوكه ب ره‌نگه‌كێ ده‌مى خستيه كارى و هنده‌ك ژى وه‌سان پێشبينى دكه‌ن كو ئه‌ڤ خزمه‌تى ئه‌لكترۆنى دێ جهێ G-Mail گريت.
كه‌سه‌كى ژى كۆمپانيا گۆگل گۆت: “ئه‌ڤه مه‌زنترين نووكرنه مه بۆ خزمه‌تا نامێن ئه‌لكترۆنى ئه‌نجامدايى پشتى G-Mail. ئه‌ز گه‌له‌ك يێ ل سه‌ر رژدم ل سه‌ر”.
ژ گرنگترين خزمه‌تێن ڤێ خزمه‌تگۆزاريێ:
- به‌رچاڤكرنا پێزانينان ژ نامێن گرنگ، وه‌كو ژڤانێن گه‌شتێن فرۆكان، وێنه و ده‌نگوباسێن گرنگ.
- خزمه‌ته‌كا زێده‌تر كو نامێن بيرئينانێ نه تايبه‌ت ب كارئينه‌رى وه‌كو ژڤان و ده‌مێ ڤه‌گه‌راندن و برنا جلكان بۆ شووشتنێ و ئه‌نجامدانا تله‌فۆنا.
- ژێكجوداكرنا نامان، بۆ نمۆنه دانانا نامێن گرێدايى به‌نكێ ل جهه‌كێ ده‌ستنيشانكرى.
سه‌ندار بيتشاى، جێگرى سه‌رۆكێ گۆگل يێ سيسته‌مێ ئه‌ندرويد و خزمه‌تكاريان گۆت: “گه‌له‌ك ژ نامێن ئه‌لكترۆنى دگه‌هنه مه، پتر ژ به‌رى نوكه، هنده‌ك ژ نامێن گرنگ د ناڤا وان دا دهێنه به‌رزه‌كرن، گرنگترين كارێن مه ژى ژ ئه‌نجامێ وان دهێنه ژ ده‌ست دان، ب تايبه‌ت هه‌كه ب رێيا تله‌فۆنێن خوه كار بكه‌ين”.
زێده‌تر گۆت: “ده‌رباره‌ى گه‌له‌ك ژ مه كار كرن ل گه‌ل نامێن ئه‌لكترۆنى يێ بوويه كاره‌كێ رۆژانه و گه‌له‌ك پێڤه گيرۆ دبين و مه ژ كارێن مه يێن سه‌ره‌كى دوور دئێخيت، ل جهێ هاريكاريا مه د كاران دا بكه‌ت”.