مژوولى چيه؟
ئەڤرۆ نيوز:
سترانبێژا دووری وەلات ھێلی لۆڤێ ئاشکەرا کر، ئەڤە دەمەکە ئەم مژوولی تۆماکرنا ئەلبۆمەکا نوویە، و سترانەک ژێ ل دۆر کاودانێن رۆژھەلاتا ناڤەراستە.
ناڤھاتیێ بۆ رووداو گۆت: دووماھی پرۆژێ منێ ھونەری ئەوە ئەڤە دەمەکە ئەزا کاری ل سەر ئەلبۆما خوە یا نوو دکەم، و سترانەکا ناڤا ڤێ ئەلبۆمێ ل دۆر کاودانێن رۆژھەلاتا ناڤەراستە و من بزاڤا کری پەیاما وەلاتێ خوە کوردستانێ بگەھینمە ھەموو خەلکێ جیھانێ.
ئەلبۆما ھێلی لۆڤێ ژ دەە تراکان پێک دھێت و ھەتا نوکە چو ناڤ بۆ نەھاتینە ھەلبژارتن، لێ دبەرنامێ وێ دایە بەری بەلاڤکرنا وێ ئەلبۆمێ سترانەک وەکو ریکلام بۆ وێ ئەلبۆمێ کلیپ بکەت.
ل رۆژا 2/12/2015 کوڤارەکا ناڤدارا ئەمریکێ ب ناڤێ (Foreign Policy ) لیستەک ب ناڤێ 100کەسێن کاریگەرێن جیھانێ بەلاڤکربوو، و ناڤێ ھێلی لۆڤێ دناڤ وێ لیستێ دا بوو.