د رێزبه‌ندا جيهانى دا عيراق پێشڤه‌هات
ئه‌ڤرۆ نيوز:
د نووترين رێزبه‌ندا جيهانى دا، هه‌لبژارتيێ عيراقێ شيا 9 رێزا پێشڤه بهێت و بێته رێزا 81 ل سه‌ر ئاستێ جيهانێ و هه‌لبژارتيێ جه‌زائير ژى بۆ جارا ئێكێ د مێژوويا خوه دا هاته رێزا 15 ل سه‌ر ئاستێ جيهانێ، ئه‌لمانيا ژى سه‌ره‌راى ئه‌نجامێن لاوازێن ڤێ دووماهيێ سه‌رێ ليستێ پاراست.
دوهى 23\10، ئێكه‌تيا نێڤده‌وله‌تى يا ته‌پا پێ فيفا رێزبه‌ندا جيهانى يا ته‌پا پێ راگه‌هاند كو تێدا هه‌لبژارتيێ ئه‌لمانيا سه‌ركێشيا رێزبه‌ندێ پاراست، سه‌ره‌راى وان ئه‌نجامێن وێ يێن لاواز د هه‌ردو ياريێن ڤاڤارتنێن يۆرۆ 2016 دا، هه‌ردو هه‌لبژارتيێن ئه‌رژه‌نتين و كۆلۆمپيا ژى ل رێزێن دويێ و سيێ هاتن.
د پێنگاڤه‌كا باش ژى دا، هه‌لبژارتيێ عيراقێ شيا 9 رێزا پێشڤه‌بهێت و بهێته رێزا 81 ل سه‌ر ئاستێ جيهانێ و حنێرا رێزبه‌ندا ئۆكتۆبه‌رێ ژى بۆ هه‌لبژارتيێ جه‌زائير بوو پشتى پێشڤه‌هاتيه رێزا 15 ل سه‌ر ئاستێ جيهانێ بۆ جارا ئێكێ د مێژوويا خوه دا.
