ئافرەت رێژەکا مەزن ژ پارەیێ خوە ل کرینا مکیاژى ددەن
ئەڤرۆ نیوز:
ئافرەتێن فەرمانبەر پارەکێ مەزن ھەیڤانە ل مکیاژی دمەزێخن و دوکاندارێن کەمالیاتا ژی دبێژن رەوشا یا ئابووری بازارێ مە ژی سار کریە چونکو نەشێن نە فرۆشینە ژی لێ پارە ژی نینن بەلێ ھەر مکیاژەکێ زوور دکرن و دمەزێخن.
نالێن بامەرنی کچەکا راگەھاندنکارە سەبارەت ئەو پارێ ل مکیاژی دمەزێخیت گۆت: دگەھیتە 200 دولارا و پتر ژی مسکاری دکرم و گەلەک جاران ژی دەمێ دچمێ ھندەکێ زێدە دکرم بۆ پێدڤیان چونکو پتریا دەمی بکاردئینم، ئانکو ھەیڤانە تا چوار مسکارا دکرم و ھەر ئێک ژی ب بھایەکێ جودایە، نالین خانێ گۆت ژی چوجار کەس دەستێ من ناگریت دسلکێ من یێ کاری بۆ کرینا مکیاژی بەلکو بتنێ ژ مووچێ خو دمەزێخم، ژبەر رۆژانە کار دکەم بەلکو ئەگەر مکیاژی مارکە ژی نەبیت ناکرم و ئەز مکیاژێ سادە ب کار نا ئینم ئانکو ئەو جھێ، دجم دکرم ژی تایبەتن نە ھەر دوکانا بیت دێ لێ کرم.
دووڤدا شرین دوسکی فەرمانبەر و گۆت ھەیڤێ ھەمیێ پارێ مکیاژێ من ناگەھیتە 10 ھزارا چونکی بکارئینانا مکیاژێ زێدە ژی من باوەری پێ نینە.
بەفرین محسن ژی ماموستایە گۆت ھەیڤانە نێزیکی 100 ھزاران دەمە مکیاژی چونکی دەمێ دکرم یێ سادە ناکرم بەلکو دڤێت یێن مارکە و دجوان بن و سەرۆچاڤێن من بگوھرن.
حوری شەمسەدین پتریا جاران میکاژێ ب کار دئینیت و مکیاژێ وێ دوو ھەیڤا جارەکێ ناگەھیتە 15 دولاران، پاشی حوریا خانێ گۆت ئەو ل دوڤ ھەستێ ئافرەتێ دمینیت کا چەند ژ دێم و کەساتیا خو یا رازی یە، لەورا ژی دێمێ ژنێ گەلەکێ نازکە دەمێ مکاژی ب کار دئینیت چەند یێ کێم بکار بینیت پتر جوانی و نازکیا وێ دیاردبیت ھندی ئەز ب مەزیخم دوو ھەیڤا جارەکی دچم دکرم و ھەتا 15 دولاران نامەزێخم .
ل دووڤ گۆتنێن پتریا ئافرەتان، نەھێل سەلیم خودانێ دوکانەکا کەمالیاتایە ل بازارێ دھۆکێ گۆت کو ھەر تەخەک جودا مکیاژی دکریت بەلکو یێن فەرمانبەر پتر مکیاژی دکرن و بکار دئینن و ھندەک جارا دگەھیتە دوو سەد دولارا و پتر لێ ناھێت، ھەیڤانە ئانکو تایبەت نوکە رەوشا بازارێ کەمالیاتا نەیا باشە و ئافرەت ژی ھەر دکرن لێ پارا نادەن دبێژن تا موچە دھێن، ئانکو کرین و بکار ئینان یا بەردەوامە بەلێ پارا نادەن دبێژن موچە نینە.
نەھیلێ خودانێ کەمالیاتا گۆت ژی پتریا ژیێ وان یێ دناڤبەرا 20 تا 40 سالی دا و
تایبەت ئافرەتێن مالێن دولەمەند پتر مکیاژی دکرن و ھەمی ژی مارکە بن و ب یێن سادە رازی نابن، ئانکو ھەتا وەرزان ژی گرێدانەک پێڤە ھەیە دوەرزێن رەنگین دا پتر مکیاژ دھێتە مەزاختن ل زفستانا ژی مکیاژێ بەرچاڤ و توخ دھێتە بکارئینان.