چەند دەمژمێرەک ماینە بۆ گوھۆرینێ
ئەڤرۆ نیوز، زنار:
دەنگوباسێ دوورخستنا راھێنەرێ یانا ریال مەدرید رافائێل بێنیتێز جارەکا دی دەنگ ڤەدا پشتی رادیویا کادینا سێر ئەڤ پەیامە پشت راستکری و دیارکر تنێ چەند دەمژمێرەک ماینە بۆ گوھۆرینا راھێنەرێ یانا مەلەکی.
ھەمان ژێدەر ئەو چەندە ژی خویاکر کو راھێنەرێ بەرێ یێ یانا چێلسی یا ئنگلیزی جوزێ مورینھو دێ ل شوونا بێنیتێز ھێتە دانان ل چەند دەمژمێرێن بھێت ئەڤ چەندە دێ روودەت و سەروکێ یانێ ژلایێ خوە ڤە ئەڤ بریارە دایە کو پێدڤیە گوھۆرین بھێتە کرن ژبەرکو ژوورا خوە گوھۆرینا یاریکەرێن یانا ریال مەدرید ژێر کونترولا رافائێل بێنێتێز دەرکەفتیە و نوکە پەیوەندیێن ڤی راھێنەری ل گەل ھەر ئێژ ژ کرستیانو رۆنالدو و سێرجیو راموس و ئیسکو و جێمس رودریگێس خرابتر لێھاتیە کو ئەڤ چەندە ژی د بەرژەوەندیا یانێ دا نینە.
ل دووڤ ھەمان ژێدەر نوکە یاریکەرێن یانا مەدریدی ھوسا چاڤەرێ دکەن کا دێ کی بیتە پێگوھۆرێ بێنیتێزی ل ریال مەدرید ژبەرکو ھەتا رادەیەکێ مەزن پەیامێ دەستنیشانکرنا زێدانی ژی دەنگ ڤەدایە.