ھژمارا وەلاتیێن خوە یێن گەھشتینە داعش ئاشکرا دکەت
ئەڤرۆ نیوز، ئەیاد بەرواری:
سەرۆکێ کومارا داغستان (رەمەزان عەبدلاتیبوف) ئاشکراکر کو 643 گەنجێن وەلاتێ وی یێن بەر ب رۆژھەلاتا ناڤێن ڤە چووین و گەھشتینە ڕێزین تیرۆرستێن داعشێ.
عەبدلاتیبوفی بۆ رۆژناما (ئێزفیستیا) یا رۆسی ئەڤرۆ پێنج شەمبی گوت” لژنەکا تایبەت یا ھاتیە پێکئینان بۆ قەدەغەکرنا بەلاڤکرنا ھزرێن توندڕەو ل ھەموو دەڤەرێن داغستانێ و حوکمەتێن ناڤخوەیێ و مەلایێن مزگەفتان یێن ھاتینە ڕاسپاردن بۆ ب چاڤدێریا بارێ جڤاکی و دروستکرنا پەیوەندیان ل گەل وان کەسێن ھەر جۆرە پەیوەندیەک ل گەل گرۆپێن تیرۆرستی ھەبیت”.
سەرۆکێ داغستانێ ل مەھا تەمووزا 2015 ێ راگەھاندبوو، پتر ژ 300 وەلاتیێن داغستانێ یێن گەھشتینە دناڤ ڕێزێن داعشێ دا ل سووریێ و عیراقێ.