ئێکەتیا تەپا پێ یا کوردستانێ دربەکێ کوژەک ل یانا زێرەڤانی دا
ئەڤرۆ نیوز، زنار:
ئێکەتیا تەپا پێ یا ھەرێما کوردستانێ د بریارەکا سەیر دا دربەکێ کوژەک ل نوونەرا پارێزگەھێ یانا زێرەڤانی دا ھەردو یاریکەرێن یانا ناڤبری زھێر عەبدولجەمال گولچیێ تیمێ و راکان عەبدولقادر رێ لێ ھاتە گرتن یاریێ بۆ تیمێ بکەن ب بھانەیەکا سەیر ھەردو یاریکەرێن بیانی ھژمارتن پشتی زێدەتر ژ پێنج سالان یاری بۆ ھەلبژارتیێ کوردستانێ و بۆ یانا زێرەڤانی كرى.
ئەڤ ھەرو یاریکەرە خەلکێ دەڤەرێن دەرڤەی ئیدارەیا ھەرێما کوردستانێ نە و ل دووڤ مادێ ١٤٠ یێ دەستورێ عیراقێ ئێکەتیا تەپا پێ یا کوردستانێ ماف دابویێ یاریێ د خولا ھەرێمێ یا تەپا پێ بکەن، لێ ل ڤی وەرزی ئێکەتیا تەپا پێ یا کوردستانێ ب بھانەیا توندکرنا رێنمایێن ئێکەتیا وان رێ ل ھەردو یاریکەران زھێر عەبدولجەمال گولچیێ تیمێ و راکان عەبدولقادر ھاتە گرتن یاریێ بۆ یانا زێرەڤانی بکەن و بەروڤاژی ڤێ چەندێ ب یاریکەرێن پیشەکار دێ ھێنە ھژمارتن و ئەڤ بریارە دێ کارتێکرنەکا مەزن ل یانا زێرەڤانی کەت ژ بەرکو ھەردو یاریکەرە ژ یاریکەرێن سەرەکی یێ تیمێ نە.
بۆ زانین زوھێر عەبدولجەمال کوردێ شەبەکە و خەلکێ بەرتلە یە و راکان عەبدولقادر ترکومانە.