دژی بریارا دادگەھێ ریال مەدرید یا یاریا ب ئاگری دکەت
ئەڤرۆ نیوز، زنار:
ریال مەدرید تووشی مەترسیا دوورخستنێ بویە ژ قارەمانیا ئوروپا قارەمانێن خولا و کێم کرنا خالان ژ خولا ئسپانیا ئەگەر سکالایەک ل دادگەھا شارستانی یا ئسپانی سەبارەت بریارا دوورخستنا وێ ژ قارەمانیا کاسا شاھێ ئسپانیا تومارکر.
پشتی دادگەھا وەرزشی داخوازا یانا ریال مەدرید رەد کری پێخەمەت ھەلوەشاندنا بریارا ئێکەتیا تەپا پێ یا ئسپانی ل دۆر دوورخستنا یانا مەلەکی ژ کاسا شاھێ ئسپانیا ژ ئەگەرێ پشکداریکرنا یاریکەرێ وێ یێ رووسی دینیس تشێرچێڤ ھەمبەر یانا قادش ژ قۆناغا ٣٢ یا قارەمانیێ.
ھەمبەر ڤێ بریارێ سەروکێ یانا ریال مەدرید فلرونتینو پێرێز دیارکر ئەو ژ ڤێ بریارا دادگەھا وەرزشی رازی نینن و ئەو دێ بەر ب دادگەھا شارستانی چن بۆ تومارکرنا سکالیەکێ ل دژی ڤێ بریارێ، لێ ڤێ جارێ ئێکەتیا تەپا پێ یا ئوروپا یوێفا گەفێن سزادانا یانا ریال مەدرید کرینە ئەگەر ڤێ پێنگاڤێ پاڤێت و دێ ژ قارەمانیا ئوروپا چامپونس لیگ دوورخیت دیسان ئێکەتیا جیھانێ ژی فیفایێ ژی بریار دایە ئەگەر گەھشتە وی رادەی دێ کوژمێ ١٠٠ ھزار یورویا یانا مەلەکی سزادەن.