چ سوزە ریال مەدرید دایە ئیسکوی ؟
ئەڤرۆ نیوز:
یاریکەرێ ھێلا ناڤین یێ یانا ریال مەدرید ئسیکو زێدەتر نەشێت بێھنا خوە ژ ڤێ سەرەدەریا راھێنەرێ تیمێ رافائێل بینێتز فرە بکەت و داخوازا چونێ ژ کارگێریا یانێ کریە و ھەمبەر کارگێریا یانا مەلەکی سوزەک دایە ڤی یاریکەری.
رادیویا ئوندا سێر دیارکر یە کو ئیسکوی زێدەتر تەحملا ڤێ سەرەدەریا نە یا باش یا راھێنەرێ یانا خوە بینیتێزی نەمایە و ب فەرمی داخواز ژ یانا خوە ریال مەدرید کریە ل ڤەگوھاستنێن زڤستانێ رێکێ بدەنە وی ئەو بەر ب یانا مانچستەر ستی یا ئنگلیزی ڤە بچیت ژ بەرکو ل ڤی وەرزی راھێنەرێ یانا ریال مەدرید ھەتا نوکە پشتبەستن ل سەر وی نەکریە و پەیوەندیێن ناڤبەرا وان دا ژی بەر ب نەمانێ چوینە، لێ کارگێریا یانێ رێکێ نادەت ئیسکو یانێ بجە بھێلیت و داخواز ژێ کریە بمینت ھەمبەر دانانا سوزەکێ بۆ ڤی یاریکەری کو دێ راھێنەرێ تیمێ رافائێل بینیتێز ل دەمەکێ نێزیک ژ یانێ دوورئێخن.