پشتی 40 سالان ئه‌مریكا ده‌ست ب فرۆتنا په‌ترۆلا خوه‌ كر

ئه‌ڤرۆنیۆز، ئه‌یاد به‌رواری

ئاژانسا بلومبرج یا ده‌نگوباسێن ئابووری یا ئه‌مریكی، ئه‌ڤرۆ شه‌مبیێ 2/1/2016 ێ به‌لاڤكر كو گه‌میه‌كا باركری ب په‌ترۆلێ ئه‌مریكی به‌ر ئورۆپا ڤه‌ چو وه‌كو ئاماژه‌ك بۆ ده‌سپێكرنا فرۆتنا په‌ترۆلێ ئه‌مریكی پشتی 40 سالێن راوه‌ستاندنا فرۆتنی.
ل دووڤ (روسیا الیوم)، ئاژانسا ئه‌مریكی دیاركریه‌ كو گه‌میا ئه‌مریكی ژ به‌نده‌ره‌كێ ویلایه‌تا تكساس به‌ر ئیتالیا ڤه‌ چویه‌ و كۆمپانیا فیتول یا سویسری دێ بارێ وێ ژ په‌ترۆلێ كڕیت و گه‌میه‌كا دی ژ به‌نده‌رێ هیوستن به‌ر ب ئورۆپا ڤه‌ چیت و هه‌مان كۆمپانیا سویسری دێ بارێ وێ یێ په‌ترۆلێ كڕیت.
پشتی رێكخراوا ئوپك و وه‌‌لاتێن عه‌‌ره‌‌بی فرۆتنا په‌‌ترۆلێ بۆ وان وه‌‌لاتێن پشته‌‌ڤانیا ئیسرائیلێ كری د شه‌‌رێ ئوكتوبه‌‌را 1973 قه‌‌ده‌‌غه‌‌كری و د ئه‌‌نجامدا به‌ایێن په‌‌ترۆلێ گه‌‌له‌‌ك بلند بووین، كونگرێسێ ئه‌‌مریكی ل سالا 1975 بریارا قه‌‌ده‌‌غه‌‌كرنا فرۆتنا په‌‌ترۆلێ ئه‌‌مریكی بۆ ده‌‌رڤه‌‌ ده‌‌ركر، ل 18/12/2015 كونگرێسێ ئه‌‌مریكی ئه‌‌و بریاره‌‌ ه‌ه‌‌لوه‌‌شاند. ئه‌‌مریكا رۆژانه‌‌ 8 ملیۆن و 700 ه‌زار به‌‌رمیلێن په‌‌ترۆلێ به‌‌ره‌ه‌‌م دئینیت .

کۆمێنتا تە