ھەڤبەستا ئێکێ یا ریال مەدرید ئاشکرا بوو
ئەڤرۆ نیوز، زنار:
رۆژنامەیێن تورکی ئاشکرا کریە کو یانا ریال مەدرید دڤێت ھەڤبەستا خوە یا ئێکێ ب سەرپەرشتیا راھێنەرێ خوە یێ نوو زێنەدین زێدان ل گەل ھێرشبەرێ ھەلبژارتیێ ئەلمانیا و یانا بشکتاش یا تورکی ئیمزا بکەت.
ڤان ژێدەران ئاشکرا کریە کو زێدانی داخواز ژ کارگێریا یانێ کریە ھەڤبەستا ھێرشبەرەکێ دی ئیمزا بکەن پێخەمەت بھێزخستنا ھێلا ھێرشبەریا تیمێ ل گەل یاریکەر کەریم بنزیمای و ناڤێ یاریکەرێ یانا بشکتاش یا تورکی یێ ئەلمانی ماریو گومێز ھاتیە دەستنیشان کرن بۆ ڤێ مەرەمێ و ھەتا نوکە دانوستاندن د بەردەوامن و دبیت ل رۆژێن بھێت ئەڤ ھەڤبەستە ب فەرمی بھێتە راگەھاندن.
دھێتە زانین گومێز یێ ٣٠ سالی ل ڤی وەرزی شیایە د ٢٢ یاریان دا ١٥ گۆلان توماربکەت و یانا خوە بەر ب سەرکێشیا خولا تورکیا ببەت.