ب ڤیدیو :ئامەد سپور سەرکەفتنەکا گرنگ تومارکر و نێزیکی دەربازبوونێ بوو
ئەڤرۆ نیوز، ھەژار مەعروف:
یانا ئامەد سپور یا باکورێ کوردستانێ رێیا خوە بۆ دەربازبوونێ بۆ قوناغا دوێ ژ کاسا تورکیا یا تەپا پێ خوشتر لێکر پشتی ئەڤرۆ شێیای سەرکەفتنەکا گرنگ ل سەر یانا ئورفا سپور توماربکەت ل یاریگەھا وێ ب دو گولان بێ بەرامبەر ژ چارچوڤێ یاریێن گەرا سیێ ژ کوما دوێ .
تیما ئامەد سپور دڤێ یاریێ دا ئێک ژ باشترین ئاستە پێشکێشکر ل وەرزێ ئەڤ سالە و ل نیڤا ئێکێ دا ب رێیا ھەردو یاریکەرێن خوە کابتنێ تیمێ شەموز ئوزەر و یوسف مەگمور .
ل نیڤا دوێ دا یاریکەرێن ئامەد چەندین دەلیڤەیێن دی یێن گولێ ژی دەست دان و یاری ھەر وەکو خوە ما د بەرژوەندیا یانا باکورێ کوردستانێ دا و ب ڤی ئەنجامی تیما ئامەد خالێن خوە گەھاندنە ٩ خالان ژی سێ یاریان و پێدڤی سێ خالێن دی یە ژ سێ یاریێن بھێت داکو ب فەرمی دەربازی قوناغا ١٦ ژ کاسا تورکیا بیت و بریارە یاریا بھێت ژی گەرا چارێ بەرامبەر ئورفا سپور ل رۆژا چارشەمبیا بھێت بکەن.