زاخۆ سوباھی دێ یاریا خوە یا ئیکێ یا فەرمی ل یاریگەھا خوە یا نوو کەت
ئەڤرۆ نیوز:
پشتی بۆ ماوێ زێدەتر ژی سێ حەفتیان یاریێن خۆلێ ھاتینە راوستاندن بریارە سوباھی جارەکا دی دەست ب ھەڤرکیێن خۆلا پلا نایاب یا عیراقێ بھێنەکرن و ل یاریگەھا خوە یا نوو تیما زاخۆ دێ یاریا خوە یا ئێکێ یا فەرمی ل وەرزێ ئەڤ سالە ل سەر ئەردێ یاریگەھا خوە یا نووی کەت دەمێ مێڤانداریا یانا حدود بکەت ژ چارچوڤێ یاریێن گەرا سیێ ژ خۆلا پلا نایاب یا عیراقێ.
بۆ ڤێ یاریێ تیما زاخۆ دێ ھەمی بزاڤا کەت سێ خالێن یاریێ ب دەستخوڤە بینت و بەردەوامی ب دەتە ھەڤرکیا دەربازبوونا قوناغا بژارە یا خۆلا عیراقێ .
تیما زاخۆ نوکە ل رێزا پێنجێ دھێت ب ١٧ خالان د باشترین رەوشا خوە دا یە تایبەت پشتی ھاتنا راھێنەرێ وێ یێ نووی گەلەک گوھورین د شێواز و ئاستێ یاریکەران دا پەیدا بووی یە ھەر چەندە ماوەیێ وی یێ کێمە ل کارگێریا یانێ و جەماوەرێ یانا زاخۆ باوەریەکا مەزن ب شیانێن ئەڤی راھێنەری ھەیە دێ ئەنجامەکی ل گەل یانا زاخۆ ل وەرزێ ئەڤ سالە تومارکەت.