غەزوان محەمەد وه‌کو راھێنەرێ یانا زێرەڤانی ھاتە دەست نیشانکرن
ئەڤرۆ نیوز، ھەژار مەعروف:
کارگێریا یانا زێرەڤانی د کومبوونا خوە یا ئەڤرۆ دا ب فەرمی راگەھاند ھاریکارێ راھێنەرێ تیمێ غەزوان محەمەد وەکو راھێنەرێ بەروەخت یێ تیما زێرەڤانی ل ڤی دەمی بھێتەدەست نیشانکرن پشتی راھێنەرێ تیمێ یێ بەری نوکە سلێمان رەمەزان دەست ژ راھێنەریا تیمێ بەردەی.
ئومێد بازید بەرپەرسێ راگەھاندنێ ل یانا زێرەڤانی دیارکر کارگێریا یانێ بریار دا ھاریکارێ راھێنەری غەزوان محەمەد ئەرکێ راھێنەریا تیمێ ب رێڤەبیت ژبەرکو وی شارازیەکا باش ل سەر یاریکەران ھەیە پتر نێزیکی یاریکەرانە.
سەبارەت ھاتنا عەلی وەھاب ناڤبری دیارکر عەلی وەھاب سەرەدانەک بۆ باژێرێ دھۆکێ ھەبوو و بتنێ ئەو ل گەل روینشت بوون وەکو ھەڤنیاسینەک و چو راستێ بۆ وان نوچەیا نین کو دێ راھێنەریا تیما زێرەڤانی کەت ل دەمێ بھێت .
