رازی چو خۆلا مسرێ
ئەڤرۆ نیوز:
ئەمجەد رازی یاریکەرێ یانا رائید یا سعودی ئەوێ ل ماوێ بوری ژلایێ یانا سعودی ڤە ھاتیە دورخستن ل سەر داخوازیا راھێنەرێ وێ تیمێ ب فەرمی ھەڤبەستا یانا سموحە یا مسری ئەوا دخۆلا پلا نایاب دا یاریێ کەت ئیمزاکر ل دیڤ گوتنا مالپەرێ فەرمی یێ وێ یانێ.
مالپەرێ یانا مسری دیارکری یە ھەڤبەست ل گەل گولکەرێ بەری یێ خولا عیراقێ ئەمجەد رازی بۆ ماوێ سێ سالان ھاتیە ئیمزاکرن.
ھەژی گوتنێ یە ل ماوێ بوری یاریکەرێ ناڤبری ھەڤبەستا یانا جەویە ئیمزاکر بوو لێ ئێکەتیا تەپا پێ یا عیراقێ رێک نەدایێ یاریکەرێ ناڤبری یاریێ بکەت ژبەرکو ل دەمێ ھەڤبەستا جەویە ئیمزاکری وی دەمی سیستەمێ ڤەگوھاستنان ل عیراقێ ھاتبوو گرتن.
